லண்டன் மாநகரில் வரும் மே மாதம் 5ம் தேதி முதல் 7ஆம் தேதி வரை நடைபெற உள்ள தமிழ் தொழில் அதிபர்கள் மற்றும் திறனாளர்கள் மாநாட்டில் 70க்கும் மேற்பட்ட நாடுகளைச் சேர்ந்த தமிழ் தொழில் அதிபர்கள் பங்கேற்க உள்ளனர்-50 மில்லியன் டாலர்கள் முதலீடு செய்யப்பட உள்ளது என எழுமின் அமைப்பு நிறுவனர். ஜெகத் கஸ்பார் நாகர்கோவிலில் செய்தியாளர்களுக்கு பேட்டி.
தி ரைஸ் என்னும் அமைப்பை சேர்ந்த நிறுவன தலைவர்.ஜெகத் கஸ்பார், மற்றும்உலகளாவிய தமிழர் அமைப்பு பிரதிநிதிகள் இன்று நாகர்கோவிலில் செய்தியாளர்களை சந்தித்தனர். இதுகுறித்து எழுமின் அமைப்பு நிறுவனர் ஜெகத் கஸ்பார் செய்தியாளர்களுக்கு பேட்டி அளித்தார் அப்போது அவர் கூறுகையில் “தி ரைஸ் எழுமின் அமைப்பும் லண்டன் மாநகரை மையமாகக் கொண்டு இயங்கி வரும் உலகத் தமிழர் அமைப்பு இணைந்து ஏழாவது அனைத்துலக தமிழ் தொழில் அதிபர்கள் மற்றும் திறனாளர்கள் மாநாடு எதிர்வரும் மே மாதம் 5-ஆம் தேதி முதல் 7ஆம் தேதி வரை லண்டன் மாநகரில் நடைபெற உள்ளதாவும்,
வட அமெரிக்கா,ஆப்பிரிக்கா,தென் அமெரிக்கா, ஆஸ்திரேலியா உள்ளிட்ட 70 நாடுகளையும் சேர்ந்த தமிழ் தொழிலதிபர்கள்,திறனாளர்கள் மாநாட்டில் பங்கேற்கின்றனர். வட அமெரிக்கா போன்ற பல நாடுகள் வாழ் தமிழர்கள் 50 மில்லியன் டாலர் வரை முதலீடு செய்ய தயாராக உள்ளனர். இந்த மாநாட்டின் மூலம் தமிழர்களின் உற்பத்தி பொருள்கள் பல வெளிநாடுகளில் சந்தைப்படுத்துவதற்கும்,உற்பத்தி பொருள்கள் பல வெளிநாடுகளில் சந்தைப்படுத்துவதற்கு ஒரு வாய்ப்பாக அமைய உள்ளது. இந்த அமைப்பில் 10 க்கும் மேற்பட்ட பிரிட்டன் பாராளுமன்ற உறுப்பினர்களாக உள்ளனர். உலகளாவிய தமிழ் கணனி துறை வல்லுநர்கள் மற்றும் தொழில் முனைவோர் இந்த மாநாட்டில் பங்கேற்கின்றனர். தமிழகத்திற்கும் பிரிட்டனுக்கும் இடையே தொழில் வணிக உறவுகளை வலுப்படுத்தும் முயற்சிகளும் லண்டன் மாநாட்டில் இடம்பெற உள்ளது தொழில் துவங்க விரும்புபவர்களுக்கு மாநாட்டு அரங்கிலேயே சிறப்பு உதவி அறை ஏற்பாடு செய்யப்பட்டுள்ளதாக அவர் கூறினார். உலக அளவில் அனைத்து தமிழ் வியாபாரிகளையும் ஒருங்கிணைத்து பொருள்களை சந்தைப்படுத்த இந்த மாநாடு பெரும் உதவியாக இருக்கும் என்று அவர் கூறினார்.
