உள்ளாட்சி தேர்தல் குறித்து மாவட்ட தேர்தல் அலுவலரும், மாவட்ட ஆட்சியருமான டாக்டா் அருண்தம்புராஜ் அறிக்கை

உள்ளாட்சி தேர்தல் குறித்து மாவட்ட தேர்தல் அலுவலரும், மாவட்ட ஆட்சியருமான டாக்டா் அருண்தம்புராஜ் அறிக்கை

வேதாரண்யம் ஜன 29

நாகப்பட்டினம் மாவட்டத்தில் நகராட்சி,பேரூராட்சிகளில் உள்ள 117-வார்டு உறுப்பினர்கள் பதவிகளுக்கான நகர்ப்புற உள்ளாட்சி தேர்தல் நடக்கிறது. இதற்கான தேர்தல் அறிவிக்கையை மாவட்ட தேர்தல் அலுவலரும், மாவட்ட ஆட்சியருமான டாக்டர் அருண் தம்புராஜ் வெளியிட்டு தெரிவித்ததாவது

தமிழ்நாட்டில் நகர்ப்புற உள்ளாட்சிகளில் வார்டு உறுப்பினர்கள் பதவிகளுக்கு வருகிற 19ம் தேதி ஒரே கட்டமாக தேர்தல் நடக்கிறது. நாகப்பட்டினம் மாவட்டத்தில் நாகப்பட்டினம், வேதாரண்யம் நகராட்சிகள், வேளாங்கண்ணி, தலைஞாயிறு, திட்டச்சேரி மற்றும் கீழ்வேளுர் ஆகிய நான்கு பேரூராட்சிகள் உள்ளது.

நகராட்சிகளில் மொத்தம் 57-வார்டு உறுப்பினர்கள், பேரூராட்சிகளில் 60-வார்டு உறுப்பினர்கள் என மொத்தம் 117-வார்டு உறுப்பினர் பதவிகளுக்கு ஒரே கட்டமாக தேர்தல் நடக்கிறது.

மாவட்டத்தில் 2- நகராட்சி பகுதிகளில் மொத்தம் 128-வாhக்குச்சாவடிகள், பேரூராட்சி பகுதிகளில் 60-வாக்குச்சாவடிகள் என மொத்தம் 188-வாக்குச்சாவடிகள் அமைக்கப்பட்டுள்ளது.

நகர்ப்புற உள்ளாட்சி தேர்தலுகளுக்கான வேட்பு மனு தாக்கல் 28ம் தேதி தொடங்கி நடந்து வருகிறது. வேட்பு மனு தாக்கல் செய்ய பிப்ரவரி 4ம் தேதி கடைசி நாள் ஆகும். 29ம் தேதி சனிக்கிழமை அன்றும் வேட்பு மனு தாக்கல் செய்யலாம். மாவட்டத்தில் அந்நதந்த நகராட்சி, பேரூராட்சி அலுவலகங்களில் வேட்பு மனுக்கள் விநியோகம் செய்யப்படும். அதே அலுவலகங்களில் வேட்பு மனுக்களை காலை 10-மணி முதல் மாலை 05.00 மணி வரை கொரோனா-19 தடுப்பு முன்னச்சரிக்கை நடைமுறைகளை கடைபிடித்து தாக்கல் செய்யலாம்.

வேட்பு மனு தாக்கல் காரணமாக மாவட்டத்தில் அனைத்து நகராட்சி, பேரூராட்சி அலுவலகங்களிலும் போலீஸார் பாதுகாப்பு பணியில் ஈடுபடுத்தப்பட்டுள்ளனர். வேட்பு மனு தாக்கலுக்கான ஏற்பாடுகளை அந்தந்த நகர்ப்புற உள்ளாட்சி தேர்தல் நடத்தும் அலுவலர்கள் செய்துள்ளனர்.

தேர்தல் நடத்தை விதிகள் ஜனவரி 26-ஆம் தேதி முதல் அமலுக்கு வந்துள்ளது.

இது தொடர்பாக புகார் விபரம் தெரிவிக்க நாகப்பட்டினம் மாவட்டத்தில் 24 மணி நேரமும் இயங்கும் கட்டுப்பாட்டு அறை அமைக்கப்பட்டுள்ளது. அதன்படி மாவட்ட ஆட்சியர் அலுவலக தொலைபேசி 04365-253049 என்ற எண்ணில் தொடர்பு கொள்ளலாம்.

தேர்தல் நடத்தை விதிகள் முழுமையாக பின்பற்றுவதை 24 மணி நேரமும் கண்காணிப்பதற்கு (6-அணிகள் 3-சுழற்சி முறை) 18-பறக்கும் படைகள் அமைக்கப்பட்டுள்ளது.

மேலும் தேர்தல் நடைபெறும் அனைத்து பகுதிகளிலும் கொரோனா-19 பரவலை தடுக்கும் முன்னெச்சரிக்கை நடவடிக்கைகளை முறையாக செயல்படுத்துவதை கண்காணிக்க தனி அலுவலர் நியமனம் செய்யப்பட்டுள்ளார்கள் என மாவட்ட தேர்தல் அலுவலரும், மாவட்ட ஆட்சியருமான டாக்டர் அருண்தம்புராஜ் தெரிவித்துள்ளார்.

செய்தி சேகரிப்பு

டாக்டர் எல்விஸ் லாய் மச்சோடா,

நாகை மாவட்ட செய்தியாளா்,

வேதாரண்யம்.