தியாகிகள் தினத்தையொட்டி தீண்டாமை ஒழிப்பு உறுதிமொழி ஏற்பு
வேதாரண்யம் ஜன 29
இந்திய சுதந்திரத்திற்காக போராடி உயிர் நீத்த தியாகிகளுக்கு 30.01.2022 அன்று தியாகிகள் தினம் அனுசரிக்கப்படுகிறது. அதனைத் தொடர்ந்து நாகப்பட்டினம் மாவட்டத்தில் இன்று தீண்டாமையை ஒழிக்க மேற்கொள்ளும் உறுதிமொழியினை“இந்திய அரசியலமைப்பின் பால் இடைவிடாத, உளமார்ந்த பற்றுள்ள இந்தியக் குடிமகன் மற்றும் குடிமகள் ஆகிய நான், நமது அரசியலமைப்பின்படி தீண்டாமை ஒழிக்கப்பட்டு விட்டது என்பதை அறிவேன். தீண்டாமையை அடிப்படையாகக் கொண்டு, எவர் மீதும் தெரிந்தோ, தெரியாமலோ சமூக வேற்றுமையை மனம், வாக்கு, செயல் என்ற எந்த வகையிலும் கடைபிடிக்க மாட்டேன் என்று இதனால் உளமார உறுதியளிக்கிறேன். அரசியலமைப்பின் அடிப்படைக் கருத்திற்கிணங்க, சமயவேறுபாடற்ற சுதந்திர சமுதாயத்தை உருவாக்குவதில் நேர்மையுடனும், உண்மையுடனும் பணியாற்றுவது எனது கடமையாகும் என்பதையும் உணர்வேன். இந்திய அரசியலமைப்பின்பால் எனக்குள்ள முழுப்பற்றிற்கு இது என்றென்றும் எடுத்துக்காட்டாக விளங்குமென்றும் இதனால் உளமார உறுதியளிக்கிறேன் என்ற உறுதிமொழியினையும், மேலும், மகாத்மாகாந்தி நினைவு தினமான இன்று உறுதிமொழி ஏற்கிறேன். என்னவெனில், உணர்ச்சியற்ற தேமல் அல்லது படை போன்றோ தொழுநோயினால் உடல் குறைபாடு உள்ளவர்களை எனது குடும்பத்திலோ அல்லது வீட்டின் அருகில் உள்ளவர்களோ, சமூகத்திலோ இருந்தால் உடன் அவர்களைஅருகில் உள்ள அரசு ஆரம்ப சுகாதார நிலையங்கள் அரசு மருத்துவமனைகளுக்கு அழைத்து சென்று சிகிச்சை வழங்க ஏற்பாடு செய்வேன். அவர்களை அன்பாகவும், எனது குடும்ப உறுப்பினர்கள் போலவும் வேறுபாடு இல்லாமல் உரிய மரியாதையுடன் நடத்துவேன்.
தொழுநோய் குணமாக கூடியது,ஆரம்ப நிலை சிகிச்சை உடல் குறைபாட்டைஏற்படுத்தாது,அங்கஹீனத்தைதடுக்கும் தொழுநோயாளிகளை ஒதுக்கக்கூடாது போன்ற விபரங்களை ஊர் முழுவதும் தெரிவித்து விழிப்புணர்வினை ஏற்படுத்துவேன், மகாத்மாவின் கனவை நனவாக்கும் வகையில் தொழுநோய் இல்லா இந்தியா உருவாக அனைவருடன் இணைந்துஒத்துழைப்பேன் என்றுஉறுதி கூறுகிறேன் என்ற உறுதிமொழியினையும் மாவட்ட ஆட்சியர் டாக்டர் அருண்தம்புராஜ் தலைமையில் அரசு அலுவலர்கள் இன்று எடுத்துக்கொண்டனர்.
இந்நிகழ்ச்சியில் அனைத்து துறை அரசு அலுவலர்கள் கலந்து கொண்டனர்.
செய்தி சேகரிப்பு
டாக்டர் எல்விஸ் லாய் மச்சோடா,
நாகை மாவட்ட செய்தியாளர்
வேதாரண்யம்.
