தூத்துக்குடி.ஜுலை 21,
பெருந்தலைவர் காமராஜரை இழிவாக பேசிய திமுக எம்பி திருச்சி சிவவை கண்டித்து தூத்துக்குடியில் பெருந்தலைவர் மக்கள் நலச்சங்கம் அமைப்பு நிறுவனத் தலைவர் எஸ்.பி. மாரியப்பன் தலைமையில் விவிடி சிக்னல் பேருந்து நிறுத்தம் அருகில் இன்று மாலை கண்டன ஆர்ப்பாட்டம் நடைபெற்றது.
திமுகவின் மாநிலங்களவை உறுப்பினர் திருச்சி சிவா, சமீபத்தில் சென்னை பெரம்பூரில் நடந்த திமுக பொதுக்கூட்டத்தில் பேசியபோது, பெருந்தலைவர் காமராஜர் குறித்து சர்ச்சைக்குரிய கருத்துகளைத் தெரிவித்தார். தமிழகம் முழுவதும் பெரும் பரபரப்பை ஏற்படுத்தியுள்ளது. பல்வேறு அமைப்புகள் திருச்சி சிவாவை கண்டித்தும், அவர் உடனடியாக பதவி விலக கோரி தொடர் போராட்டம் நடத்தி வருகின்றனர்.
இந்நிலையில், தூத்துக்குடியில் நடைபெற்ற கண்டன ஆர்ப்பாட்டத்திற்கு பெருந்தலைவர் மக்கள் நலச்சங்கம் அமைப்பு நிறுவனத் தலைவர் எஸ்.பி. மாரியப்பன் தலைமை தாங்கினார்.
இந்த ஆர்ப்பாட்டத்தில் மாவட்ட செயலாளர் சாமுவேல் ராஜ், மாவட்ட தலைவர் வேல்முருகன், மாநில செயலாளர் தருவை சண்முகவேல், மாநில பொருளாளர் எம்.எஸ்.டி.ரவிசேகர் ஆகியோர் முன்னிலை வகித்தனர்.
இந்த போராட்டத்தில் அனைத்து கட்சி நிர்வாகிகள், சமுதாய பிரமுகர்கள், பெருந்தலைவர் காமராஜர் பக்தர்கள் என பலர் திரளாக கலந்து கொண்டு திருச்சி சிவா மீது எந்த நடவடிக்கையும் எடுக்காத திராவிட மாடல் அரசுக்கு எதிராகவும், காமராஜர் குறித்து இழிவாக பேசிய திருச்சி சிவா எம்பி-யை கண்டித்தும் அவர் பதவியை நீக்க கோரி கண்டன கோஷங்களை எழுப்பி ஆர்பாட்டத்தில்.
ஆர்பாட்டத்தின் போது பெருந்தலைவர் மக்கள் நலச்சங்கம் (அமைப்பு) நிறுவனத்தலைவர் எஸ்.பி.மாரியப்பன் செய்தியாளர்களிடம் தெரிவிக்கையில்: பெருந்தலைவர் காமராஜர் நாடார் சமூகத்திற்கான தலைவர் மட்டும் இல்லை, அவர் அனைத்து சமூக மக்களுக்கான தலைவர். சொல்லப்போனால் பெருந்தலைவர் காமராஜர் நாடார் சமூக மக்களுக்கு எந்த பலன்களையும் அவர் செய்யவில்லை. அனைத்து சமூக மக்களுக்கு தான் முதல்வரானார். அவர் முதல்வராக இருந்து பல திட்டங்களை வகுத்து தந்தவர். திட்டங்களை செயல்படுத்தியவர். நாடார் சமுதாய மக்களுக்கு தராசு இருக்கிறது, அவர்கள் எப்படியும் பிழைத்துக் கொள்வார்கள். ஆனால் மாற்ற சமுதாயத்தினர் முன்னேற வேண்டும் என்று நினைத்து பல திட்டங்களை வகித்தவர். அப்படிப்பட்ட மாபெரும் உலகத் தலைவரை எந்த ஒரு அடிப்படை தகுதியும் இல்லாத திமுக எம்.பி. திருச்சி சிவா என்பவர் காமராஜரை இழிவுபடுத்தி பேசியது நாடார் சமுதாயத்தினரை மட்டுமட்டுமல்ல அனைத்து சமுதாயத்தினர் மற்றும் கட்சியினர் மனதை புண்படுத்தியுள்ளது. அப்படி அனைத்து மக்களுக்கும் தலைவராக இருக்கக்கூடிய கர்ம வீரர் காமராஜரை இழிவுபடுத்தி பேசிய திருச்சி சிவாவை கண்டித்தும், திருச்சி சிவா மீது இதுவரை எந்த நடவடிக்கையும் எடுக்காத திராவிட மாடல் முதல்வர் ஸ்டாலின் அரசை கண்டிக்கிறோம்.திருச்சி சிவா மீது முதல்வர் ஸ்டாலின் இதுவரை எந்த நடவடிக்கையும் எடுக்கவில்லை. இது எங்களுக்கு மிகுந்த மனவேதனை ஏற்படுத்துகிறது. இன்று 10 தினங்களுக்குள் எம்பி திருச்சி சிவா பகிரங்கமாக மன்னிப்பு கேட்க வேண்டும். இல்லாவிட்டால் நாடார் சங்கங்கள் மற்றும் பல்வேறு அமைப்புகள் மட்டுமல்ல மாபெரும் அனைத்து சமூக மக்களையும் ஒன்றிணைத்து போராட்டம் நடத்துவோம். பெருந்தலைவர் காமராஜரின் பெயருக்கு களங்கம் ஏற்படுத்தும் வகையில் திமுகவிற்கு வருகிற சட்டமன்ற பொதுத்தேர்தலில் தமிழக மக்கள் பாடம் புகட்டுவார்கள் என்று தெரிவித்தார்.
இதில் சிறப்பு அழைப்பாளராக அகில இந்திய நாடார் பேரவை வழக்கறிஞர் பிரிவு தலைவர், உயர்நீதிமன்ற வழக்கறிஞருமான ஜெயச்சந்திரன், மூத்த வழக்கறிஞர் ஜெயபால், வழக்கறிஞர் டேவிட் கணேசன், தமிழ்நாடு நாடார் பேரவை மாவட்ட தலைவர் சிவா, மாவட்ட செயலாளர் செல்வம், தமிழ்நாடு காமராஜர் பேரவை மாவட்ட இணைச் செயலாளர் ராஜ்குமார், தமிழ்நாடு வணிகர் பேரமைப்பு தென்மண்டல தலைவர் கோடீஸ்வரன், தமிழ்நாடு வணிகர் பேரமைப்பு மத்திய மாவட்ட துணைச் செயலாளர் அந்தோணி வளன், சந்தனகுமார், காமராஜர் லட்சியப் பேரவை நிறுவனத்தலைவர் பிரசன்னகுமார் ஆகியோர் கலந்து கொண்டு கண்டன உரையாற்றினர்.
இந்த ஆர்ப்பாட்டத்தில், காமராஜர் லட்சிய பேரவை அமைப்பாளர் சுந்தர், இளைஞரணி தலைவர் தினேஷ், துணைத்தலைவர் வெற்றிவேல், மாவட்ட தொண்டரணி ஆகாஷ், பெருந்தலைவர் மக்கள் நலச்சங்கம் மாநில துணைத்தலைவர் யோபு சாலமோன், மாவட்ட பிரதிநிதி வேல்மயில், மாவட்ட துணைத்தலைவர் கணேஷ், வர்த்தக அணி மாவட்ட செயலாளர் மார்க்கெட் முருகன், மாநில துணைத்தலைவர் கணேசன், நடத்தி குமார், இளைஞரணி சிவா, பெனிட்டோ, சில்பாடு பொன்சிங், ஆனந்த், கே.பி.செல்வா, தொழிலதிபர் தமிழ்ச்செல்வன் தூத்துக்குடி வடக்கு மாவட்ட செயலாளர் முனீஸ்வரன், விளாத்திகுளம் ஒன்றிய செயலாளர் முனியசாமி, மாவட்ட துணைச் செயலாளர் நாராயணன், ரஞ்சித் அழகுதுரை, கோல்டன் ஸ்டீல் குமார் ஜேக்கப், கிறிஸ்டோபர், கார்த்திக் மற்றும் மகளிர் உட்பட திரளான பொதுமக்கள் பலர் இந்த கண்டன ஆர்;ப்பாட்டத்தில் கலந்து கொண்டனர்.
