சென்னையில் தொழில்சாலை மற்றும் மென்பொருள் துறையில் வளர்ந்து வரும் பகுதியாக அம்பத்தூர் விளங்கி வருகிறது. இந்த பகுதியில் வடநாட்டு தொழிலாளர்கள் மற்றும் தமிழகத்தின் பல்வேறு பகுதியை சார்ந்தவர்கள் அதிகளவு வசித்து வருவதால், இந்த பகுதியில் சமூக விரோத செயல்களுக்கு பஞ்சமில்லை.
இதனால் அம்பத்தூர் காவல் சரகத்தில் அதிரடியான அதிகாரிகளை நியமிப்பது வழக்கம். அந்த வரிசையில் டி-1 அம்பத்தூர் காவல்நிலைய உதவி ஆய்வாளராக நியமிக்கப்பட்டவர் விஜயகுமார். இவர் இரவு பகல் இன்று பாராமல் ரோந்து பணிகளில் தீவிரம் காட்டுவதும், சமூக விரோதிகளை அடையாளம் கண்டு அவர்களை ஒடுக்குவதில் கைதேர்ந்தவர் என்று அனைவராலும் பாராட்டப்படுகிறார்.
சமீபத்தில் சாலையில் நடந்து சென்ற மூதாட்டியிடம் பட்டப்பகலில் 7 சவரன் தாலி சங்கிலியையும் மற்றுமொரு இடத்தில் 3 சவரன் தங்க செயினையும் வழிப்பறி செய்தவன் அவற்றை அட்டிகா கோல்டு நிறுவனத்தில் வைக்க, அட்டிகா மூலம் கல்யாண் ஜூவல்லர்ஸ்க்குப் போய் தங்க கட்டியான நகைகளை மீண்டும் நகைகளாக மாற்றி மாஜிஸ்திரேட்டிடம் ஒப்படைத்தனர் அம்பத்தூர் போலீசார்.
காளிதாசிடமிருந்து வழிப்பறி செய்த 13 சவரன் தங்க நகைகளையும் திருட்டுக்கு பயன்படுத்திய ழுடுயு இரு சக்கர வாகனத்தையும் காவல் துறையினர் பறிமுதல் செய்துள்ளனர். மேலும் ரமேஷ் என்பவருக்கு சொந்தமான ழுடுயு பைக்கை தினசரி 1000 ரூபாய் வாடகைக்கு எடுத்து வௌ;வேறு பகுதியில் வழிப்பறி உள்ளிட்ட குற்ற சம்பவங்களில் ஈடுபட்டதும் தனிப்படை விசாரணை நடத்தியதில் தெரியவந்துள்ளது.
அம்பத்தூரில் கடந்த 2 ஆம் தேதி காலை 11 மணிக்கு விஜயலட்சுமிபுரம் பாரதி நகரில் அன்னிபெசன்ட் தெருவில் நடந்து கோவிலுக்கு சென்ற அதே பகுதியை சேர்ந்த ராமலட்சுமி என்பவரிடம் 7 சவரன் தாலிச் செயின் 3 சவரன் மற்றொரு செயின் என 2 தங்க சங்கிலியை பறித்த குற்றவாளியை சிசிடிவி காட்சியின் அடிப்படையில் பிடித்த காவல்துறையினர் தீவிர விசாரணை மேற்கொண்டதில் திருடிய தங்க நகைகளை அட்டிகா கோல்டு நிறுவனத்தில் விற்பனை செய்து அந்த நகை தற்போது கல்யாண் ஜூவல்லர்ஸ் -இல் உருக்கப்பட்டு தங்க கட்டியாக மாற்றப்பட்டதும் காவல்துறை விசாரணையில் தகவல் வெளியாகி உள்ளது. இதுபோன்று பல வழக்குகளை மின்னல் வேகத்தில் கண்டுபிடித்த பெருமை அம்பத்தூர் காவல்நிலைய அதிகாரிகளை சாரும்.
கடந்த சில வாரங்களுக்கு முன்பு, அதிரடி எஸ்.ஐ.விஜயகுமார் தலைமையில் போலீசார்கள் அம்பத்தூரில் நள்ளிரவு வாகன சோதனையின் போது லாரியில் கடத்தி வந்த ரூ.2 கோடி மதிப்புள்ள 3 ஆயிரத்து 500 கிலோ செம்மரக்கட்டைகளை போலீசார் மடக்கிப் பிடித்தனர்.
சென்னை அம்பத்தூர் சப்-இன்ஸ்பெக்டர் விஜயகுமார் உள்ளிட்ட போலீசார் கள்ளிக்குப்பம் பகுதியில் இரவு வாகன சோதனையில் ஈடுபட்டு இருந்தனர். அப்போது வேகமாக வந்த மோட்டார் சைக்கிளை போலீசார் நிறுத்த முயன்ற நிலையில், வாகனம் நிற்காமல் சென்றதால் துரத்தி சென்று மடக்கி பிடித்தனர்.
பின்னர் மோட்டார் சைக்கிளை ஓட்டிச்சென்றவர் புதுவண்ணாரப்பேட்டையை சேர்ந்த முகமது அப்பாஸ் (வயது 22) என்பதும், அவர் செம்மரக்கட்டையை கடத்தி வந்த ஒரு லாரிக்கு துணையாக வந்ததும் தெரிய வந்தது. இதையடுத்து முகமது அப்பாஸ் அளித்த தகவலின் பேரில், சூரப்பட்டு டோல்கேட் அருகே சாலையில் நின்றிருந்த லாரியை போலீசார் சோதனை செய்தனர்.
அப்போது அந்த லாரியில் 5 பெரிய மரப்பெட்டிகள் இருந்தன. அதில் செம்மரக்கட்டைகள் அடுக்கி வைக்கப்பட்டு இருப்பது கண்டுபோலீசார் அதிர்ச்சி அடைந்தனர். இதனைத்தொடர்ந்து லாரியை ஓட்டி வந்த டிரைவர் டேவிட் (40) என்பவரை போலீசார் கைது செய்தனர்.
இதைத்தொடர்ந்து லாரியில் இருந்த ரூ.2 கோடி மதிப்புள்ள 3½ டன் செம்மரக்கட்டைகளை பறிமுதல் செய்த போலீசார், செம்மர கட்டைகள் எங்கிருந்து கடத்தி வரப்பட்டது என்ற விசாரணையில் மேற்கொண்டனர்.
மேலும், லாரி மற்றும் மோட்டார் சைக்கிளை பறிமுதல் செய்த போலீசார், 2 பேரையும் கைது செய்து சிறையில் அடைத்தனர். செம்மரக்கட்டைகள் வனத்துறையினரிடம் ஒப்படைக்கப்பட்டதாக போலீஸ் அதிகாரிகள் தெரிவித்தனர்.
நள்ளிரவு நேரத்தில் தீவிர சோதனை செய்து ரூ.2 கோடி மதிப்பிலான செம்மரக் கட்டைகள் கடத்தலை தடுத்த போலீசாருக்கு துணை கமிஷனர் தீபா சத்யன் பாராட்டு தெரிவித்தார்.
நள்ளிரவு நேரத்தில் தீவிர சோதனை செய்து ரூ.2 கோடி மதிப்பிலான செம்மரக் கட்டை கடத்தலை தடுத்த எஸ்.ஐ. விஜயகுமார் மற்றும் தலைமை காவலர் ரிஸ்வான், பார்த்தசாரதி ஆகியோருக்கு துணை கமிஷனர் தீபா சத்யன் பாராட்டு தெரிவித்தார்.
டி-1 அம்பத்தூர் காவல்நிலைய எல்கைக்குட்பட்ட பகுதியில் சுமார் 750 இடங்களில் சிசிடிவி கேமிராக்கள் பொறுத்தப்பட்டுள்ளது. அதுபோக மேலும் பல இடங்களில் சிசிடிவி கேமிராக்கள் முக்கிய இடங்களில் பொறுத்துவதற்கு எஸ்.ஐ.விஜயகுமார் பல்வேறு நடவடிக்கைகளை மேற்கொண்டு வருகிறார். இவரது அதிரடி நடவடிக்கையை கண்டு அப்பகுதி பொதுமக்கள் நிம்மதி பெருமூச்சு விடுகின்றனர்.
கஞ்சா உள்ளிட்ட போதைப் பொருட்கள் இந்த பகுதில் அடியோடு ஒழிப்பதே குறிக்கோளாக கொண்டு கடும் நடவடிக்கை எடுத்து வருகிறார். இரவு நேரங்களில் ஐ.டி நிறுவனங்களில் பணியாற்றி விட்டு வீடு திரும்பும் பெண் ஊழியர்களின் பாதுகாப்பிற்காக இரவு ரோந்தை அதிகபடுத்தி பெண் அச்சமின்றி நடமாட பாதுகாப்பை உறுதி செய்து வருகிறார் எஸ்.ஐ.விஜயகுமார்.
அம்பத்தூர் பகுதி மக்களின் பாதுகாவனாக விளங்கி வரும் எஸ்.ஐ.விஜயகுமாரின் அதிரடி நடவடிக்கைளை பொதுமக்கள் மகிழ்ச்சியில் உள்ளனர். அதே சமயத்தில் சமூகவிரோதிகள் அச்சத்தில் உறைந்துபோய் உள்ளனர். பொதுமக்களின் பாராட்டுகளை பெற்று வரும் டி-1 அம்பத்தூர் காவல்நிலைய எஸ்.ஐ.விஜயகுமாரின் அதிரடி மென்மேலும் தொடர போலீஸ்செய்திடிவி குழுமம் சார்பில் வாழ்த்துகிறோம்.
செய்தி தொகுப்பு: உதவி ஆசிரியர் புஷ்பராணி
போலீஸ்செய்திடிவி
