கொடைக்கானலில் போக்குவரத்து நெருக்கடிகள் மற்றும் விபத்துக்களை தடுக்க அதிரடி நடவடிக்கையில் ஆய்வாளர் முத்துபிரேம்சந்த்

கொடைக்கானலில் போக்குவரத்து நெருக்கடிகள் மற்றும் விபத்துக்களை தடுக்க அதிரடி நடவடிக்கையில் ஆய்வாளர் முத்துபிரேம்சந்த்
தமிழக சுற்றுலாத்தளங்களில் கொடைக்கானல் மிகவும் சிறப்புவாய்ந்த சுற்றுலா தளமாகும். இங்கு வெளிநாடுகள், வெளிமாநிலங்கள் மற்றும் தமிழகத்தில் உள்ள பல்வேறு மாவட்ட மக்கள் நாள்தோறும் இயற்கையை ரசிக்க அதிகளவில் குடும்பத்துடன் வந்து செல்கின்றனர்.
கொடைக்கானலில் பெருமளவு மக்கள் கூடுவதால் அடிக்கடி போக்குவரத்து நெருக்கடி காணப்படுகிறது. இதனால் விபத்துக்களும் நிகழ்ந்து வருகிறது.
இந்நிலையில் கொடைக்கானலுக்கு புதிய இன்ஸ்பெக்டராக முத்துபிரேம்சந்த் நியமிக்கப்பட்டுள்ளார். இவர் தூத்துக்குடி மாவட்டம், செம்பூர் கிராமத்தைச் சார்ந்தவர். உதவி ஆய்வாளராக பணியில் அமர்ந்து பதவி உயர்வு பெற்று தற்போது காவல் ஆய்வாளராக பணியாற்றி வருகிறார். இவர் எந்த காவல்நிலையத்தில் பணிபுரிந்தாலும் அந்த காவல்நிலைய எல்கைக்குட்பட்ட பகுதியில் ரவுடியிசம், சமூகவிரோத செயல்கள் போன்ற குற்றச்செயல்களை அடியோடு ஒழித்து விடுவார் என்ற பெயர் பெற்றவர்.அதுபோல், பொதுமக்களுக்கும், காவல்துறைக்கும் நல்லிணக்கத்தை ஏற்படுத்தும் வகையில் அவர்களின் புகார்களை கனிவோடு ஏற்று நடவடிக்கை எடுத்து, அமைதியான சூழல் உருவாக காரணமாக இருந்து வந்துள்ளார். தூத்துக்குடியில் உணவு கடத்தல் தடுப்பு பிரிவில் பணியாற்றியபோது ரேஷன் அரிசி கடத்தல் கும்பல்களுக்கு சிம்மசொப்பனமாக விளங்;;கினார்.
அதன்பிறகு ராமநாதபுரம், பெரியகுளம் பகுதியில் ஆய்வாளராக பணியாற்றிய சமயத்தில் குற்றசம்பவங்;களை தடுத்து சட்ட ஒழுங்;கை நிலைநாட்டினார்.
தற்போது கொடைக்கானல் காவல்நிலையத்திற்கு இடமாற்றம் செய்யப்பட்டுள்ள முத்து பிரேம்சந்த் தனது முதல் பணியையே அதிரடியாக துவக்கியுள்ளார்.

நீண்டகாலமாக போக்குவரத்து நெருக்கடிகள் மூலம் பொதுமக்கள் மற்றும் சுற்றுலாப்பயணிகள் பல்வேறு இன்னல்களுக்கு உள்ளாகி வந்தனர். இதற்கு முற்றுப்புள்ளி வைக்கும் வகையில் கொடைக்கானல் ஆய்வாளர் முத்து பிரேம்சந்த், நெடுஞ்சாலைத்துறை அதிகாரிகளுடன் கலந்தாலோசனை செய்துள்ளார். மேலும், கொடைக்கானல் லேக் பிஎஸ்என்எல் பகுதியில் மெயின் ரோட்டில் சென்டர் மீடியா டிவிட்டர் ரோட்டில் வைத்திருப்பது, இரவு நேரங்களில் வாகனம் ஓட்டுபவர்களுக்கு சரியாக கண்ணுக்குத் தெரியாமல் இருந்து வந்தது. இதனை சரிசெய்யும் வகையில், சென்டர் டிவிட்டர் மீடியாவிற்க்கு வெள்ளை கலர் சுண்ணாம்பு அடித்தால்; இரவில் வாகன ஓட்டுனர்களுக்கு பாதுகாப்பாக இருக்கும் என்று வாகன ஓட்டுனர்கள் கருத்து தெரிவித்து வந்தனர். இந்த கோரிக்கையை கவனத்துடன் பரிசீலனை செய்து ஆய்வாளர் முத்துபிரேம்சந்த் மேற்கண்ட பணிகளை உடனடியாக சீர் செய்ய நடவடிக்கை எடுத்து வரும் சம்பவம் வாகன ஓட்டிகளுக்கு பெரிதும் மகிழ்ச்சியை ஏற்படுத்தியது.
கொடைக்கானல் காவல்துறை ஆய்வாளர் முத்துபிரேம்சந்த் மற்றும் நெடுஞ்சாலைதுறை AD விஜயகுமார் ஆகியோர் இணைந்து கொடைக்கானல் போக்குவரத்து நெருக்கடிகள் மற்றும்

விபத்துக்களை தவிர்க்கும் வகையில் பல அதிரடி நடவடிக்கைகளை மேற்கொண்டு வருவதை கொடைக்கானல் பகுதி மக்களும் வாகன ஓட்டிகளும், சுற்றுலாபயணிகளும் வாழ்த்தி வருகின்றனர். இவர்களின் பணி சிறக்க போலீஸ் செய்தி இணையதள தொலைக்காட்சி சார்பாக வாழ்த்துக்கள்.
செய்தி தொகுப்பு: ஐ.எஸ்.மோகன்.
புகைப்படம்: பிரேம்.