சேர்வைக்காரன் மடம் பஞ்சாயத்து தலைவியின் கணவர் மீது
மாவட்ட ஆட்சியர் மற்றும் காவல் துறையிடம் பெண் புகார்:
தூத்துக்குடி மாவட்டம், சேர்வைக்காரன் மடம் பஞ்சாயத்துக்குட்பட்ட காமராஜர்நகர் பகுதியில் ஆண்கள் சுகாதார வளாகம் உள்ளது. இந்த இடத்தின் முன்புறம் உள்ள தனியாருக்குச் சொந்தமான சர்வே எண் 200/3பி, 200/3சி இடம் உள்ளது. சுகாதார வளாகம் செல்வவதற்கு அதன் பின்புறம் தனியாக பாதை இருந்து வரும் நிலையில் அதனை பயன் படுத்தாமல்
அந்த சுகாதார வளாகம் முன்புறம் பகுதியில் உள்ள தனியார் ஒருவருக்கு சொந்தமான பாதை வழியாக சுகாதார வளாகம் செல்வதற்கு அவசர அவசரமாக பாதை அமைக்கும் பணியில் சேர்வைக்காரன் மடம் பஞ்சாயத்து தலைவியின் கணவர் ஈடுபட்டதாக கூறப்படுகிறது.
தூத்துக்குடி சேர்வைக்காரன்மடம் பஞ்சாயத்திற்குட்பட்ட காமராஜர்நகர் பகுதியில் ஆண்கள் சுகாதார வளாகம் கட்டப்பட்டு 5 வருடங்களாக திறக்கப்படாமல் இருந்தது. இந்த வளாகத்திற்குள் மரக்கன்றுகள் உற்பத்தி செய்யும் திட்டம் பணி நடைபெற்று வருகிறது. ஆடு, மாடு போன்ற கால்நடைகள் வளாகத்திற்குள் செல்ல முடியாத அளவில் கம்பிவேலி அமைக்கப்பட்டிருந்தது. அந்த சுகாதார வளாகத்தின் பின்புறம் ஏக்கர் கணக்கில் அரசு புறம்போக்கு நிலம் உள்ளது. அந்த இடத்திற்கு பாதை ஏற்படுத்துவதற்காகவும், சுகாதார வளாகம் செல்ல பாதை வேண்டுமென, அதன் அருகே உள்ள சர்வே எண் 200/3பி, 200/3சி தனியாருக்குச் சொந்தமான இடத்தை அவர்களிடம் அனுமதி பெறாமல் மரக்கன்றுகள் உற்பத்தி செய்யும் திட்டம் பணி நடை பெறும் இடமும் சுகாதார வளாகத்திற்கு முன்பு ஏற்கனவே போடப்பட்ட கம்பி வேலியை சில தினங்களுக்கு முன்பு அகற்றியுள்ளனர். அந்த தனியாருக்கு சொந்தமான பாதை வழியாக அப்பகுதியில் உள்ள அரசு புறம்போக்கு இடம் செல்வதற்கு பாதை அமைக்க பட்டு இருப்பதை கண்டும் 
அப்பகுதியில் அவசர அவசர அவசரமாக கம்பிவேலி அகற்றப்பட்டுள்ளதால், அதிர்ச்சியடைந்த நிலத்தின் பாத்தியதாரர் ஆறுமுககிளி என்பவரின் மகள் தங்கப்பாப்பா தூத்துக்குடி மாவட்ட ஆட்சியர் மற்றும் வட்டார வளர்ச்சி அலுவலர் ஆகியோருக்கு புகார் தெரிவித்தார்.
இந்நிலையில் சம்பவ இடத்திற்கு வட்டார வளர்ச்சி அலுவலர் நேரில் சென்று சுகாதார வளாகம் மற்றும் கம்பி வேலி அகற்ற பட்ட இடம் ஆகியவற்றை பார்வையிட்டு விசாரணை நடத்தியுள்ளார். அதணை தொடர்ந்து நேற்று 07.08.2020 பிடிஓ அலுவலகம் சென்ற நிலத்தின் பாத்தியதாரர் தங்கப்பாப்பா மற்றும் அந்த பகுதி ஊர் மக்கள் வழக்கறிஞர்ருடன் சென்று
தாங்கள் இடம் வழியாக பாதை போடப்பட்டுள்ளது என்பதை நிரூபிக்கும் வகையில் அவர்கள் தங்களது வரைபடம் மற்றும் ஆவணங்களை காட்டினார்.
மேலும், எனது தகப்பனார் ஆறுமுககிளிக்கு சொந்தமான காலிமனை இடத்தின் வழியாக, அரசு புறம்போக்கு இடத்திற்கும், சுகாதார வளாகத்திற்கு செல்வதற்கும் பாதை அமைக்கும் முயற்சியில் சேர்வைக்காரன்மடம் பஞ்சாயத்து தலைவியின் கணவர் ஈடுபட்டுவருவதை அறிந்த தங்கப்பாப்பா, இறுதியில் நேற்று சாயர்புரம் காவல்நிலையத்தில் புகார் தெரிவித்துள்ளார்.
அந்த புகாரில் அவர் தெரிவித்துள்ளதாவது: சேர்வைக்காரன் மடம் காமராஜர் நகரில் அகற்றிய கம்பிவேலியை மீண்டும் அதே இடத்தில் அமைத்து தரவும், மேற்படி எங்களது இடத்தை நாங்கள் அனுபவம் செய்வதற்கு பஞ்சாயத்து நிர்வாகம் சார்பில் அல்லது அவர்களை சார்ந்தவர்கள் மூலம் எங்களுக்கு பிரச்சணை ஏற்படாமல் உரிய பாதுகாப்பு தரும்படி கேட்டுக்கொள்கிறோம். என்று தனது புகார் மனுவில் தெரிவித்துள்ளார். இந்த புகார் மீது காவல்துறை விசாரணை நடத்தி வருகிறார்கள் இச்சம்பவம் சேர்வைக்காரன்மடம் பஞ்சாயத்து பகுதியில் பெரும் பரபரப்பை ஏற்படுத்தியுள்ளது.
