நாகப்பட்டினம் மாவட்டத்தில் அனுமதி பெறாமல் விளம்பர பலகைகள் நிறுவப்பட கூடாது. மீறும் பட்சத்தில் நடவடிக்கை எடுக்கப்படும் என மாவட்ட ஆட்சியர் அருண்தம்பு ராஜ் எச்சரிக்கை
நாகப்பட்டினம் மாவட்டத்தில் ஊரகம் மற்றும் நகர்புற பகுதிகளில் அரசு மற்றும் தனியாருக்கு சொந்தமான இடங்கள் மற்றும் சாலை ஓரங்களில் அமைக்கப்பட்டுள்ள அனுமதி பெற்ற மற்றும் அனுமதி பெறாத விளம்பர பலகைகள் பதாகைகள் பிளக்ஸ் பேனர்கள் காரணமாக பொதுமக்கள் பாதசாரிகள் இரண்டு சக்கர வாகனங்கள் போக்குவரத்திற்கு பெரும் இடைறாக உள்ளது.
இவ்வாறான விளம்பர பலகைகளை அகற்றுவதற்கு மாவட்ட அளவில் ஊரக வளர்ச்சித் துறை திட்ட இயக்குநர் வருவாய் துறை கோட்டாட்சியர்கள் மாவட்ட காவல்துறை கண்காணிப்பாளர்கள் ஆகியோர் இணைந்து கண்காணிப்பு அலுவலர்களாக நியமனம் செய்யப்பட்டு கண்காணிப்பு பணியில் ஈடுபட உள்ளார்கள்.
விளம்பர பலகைகள் குறித்து மாவட்;ட அளவில் கணக்கெடுத்து உடனடியாக அகற்ற நடவடிக்கை எடுக்கப்படும். அனுமதி பெறாத விளம்பர பலகைகள் அதன் அடி கட்டுமானம் மற்றும் மரத்திலான தாங்கிகள் அனைத்தும் முழுவதுமாக அகற்ற நடவடிக்கை எடுக்கப்படும்.அனுமதி பெற்ற பலகைகள் உரிய பாதுகாப்பு ஏற்பாடுகளுடன் அமைக்கப்பட்டுள்ளதா என கண்காணிக்கப்படும். இனி வரும் காலங்களில் அனுமதி பெறாமல் விளம்பர பலகைகள் நிறுவப்பட கூடாது. மீறும் பட்சத்தில் சட்ட விதிகளின் படி நடவடிக்கை எடுக்கப்படும் என மாவட்ட ஆட்சியர் அருண்தம்பு ராஜ் தெரிவித்தார்.
டாக்டர் எல்விஸ் லாய் மச்சோடா
நாகை மாவட்ட செய்தி தொகுப்பாளர்
