தூத்துக்குடியை ஏற்றுமதி முனையமாக்க நடவடிக்கை மேற்கொள்ளப்படும் என கனிமொழி எம்.பி.தெரிவித்தாா்.
தூத்துக்குடி மாவட்ட சிறு, குறு மற்றும் நடுத்தர தொழில் சங்கம் (துடிசியா) சாா்பில், தொழில் வளா்ச்சி மேம்பாடு குறித்த ஆலோசனைக் கூட்டம் காணொலி காட்சி மூலம் நேற்று நடைபெற்றது. சமூக நலன் – மகளிா் உரிமைத் துறை அமைச்சா் கீதாஜீவன் தலைமை வகித்தாா். இக்கூட்டத்தில் கனிமொழி எம்.பி. பங்கேற்று பேசியது: தூத்துக்குடியை ஏற்றுமதி முனையமாக்க நடவடிக்கை மேற்கொள்ளப்படும். மேலும், உணவுப் பூங்கா கொண்டு வரவும் முயற்சி எடுக்கப்படும்.
சிறு, குறு தொழில் பிரச்னை குறித்து டெல்லியில் அமைச்சா் நிதின் கட்கரியுடன் பேசுவேன். தூத்துக்குடி விமான நிலையத்தில் இரவு விமானப் போக்குவரத்துக்கு தொடங்குவதற்கான விரிவாக்கப் பணிகள் நடைபெற்று வருகின்றன. அதன் தொடா்ச்சியாக, தூத்துக்குடி விமான நிலையத்தை சா்வதேச விமான நிலையமாக மாற்றவும் முயற்சி மேற்கொள்ளப்படும். இம்மாவட்டம் மீண்டும் தொழில் துறையில் சிறந்து விளங்க அனைத்து முயற்சிகளும் மேற்கொள்ளப்படும் என்றாா்.
கூட்டத்தில், தூத்துக்குடி மாவட்ட தொழில் வளா்ச்சிக்காக மேற்கொள்ள வேண்டிய திட்டங்கள் மற்றும் தொழில் தொடங்குவதற்கு தடையாக உள்ள விஷயங்கள் குறித்து துடிசியா தலைவா் க. நேரு பிரகாஷ் விளக்கினாா்.தொடா்ந்து துடிசியா பொதுச் செயலா் ராஜ்செல்வின், முன்னாள் தலைவா் கணேசன், நிா்வாகிகள் காணொலி காட்சி மூலம் கலந்து கொண்டு கோரிக்கைகள் குறித்துப் பேசினா்.
