கொடைக்கானல் நகராட்சி பகுதியில் சுகாதார சீர்கேடு கழிப்பறைகள் கட்டப்பட்டு காட்சி பொருளாக இருக்கும் அவலம் : குமுறும் பொதுமக்கள் மற்றும் சுற்றுலா பயணிகள், ஆணையர் நடவடிக்கை எடுப்பாரா???
================
தமிழகத்தில் உள்ள அனைத்து நகர்ப்புற உள்ளாட்சிகளிலும் உள்ள பொது மற்றும் சமுதாயக் கழிப்பறைகளை மேம்படுத்த முடிவு செய்யப்பட்டது. அதன்படி அக்கழிப்பறைகள் குறித்து பொதுமக்கள் தங்களது கருத்து களை தெரிவிக்க ஒவ்வொரு கழிப்பறைக்கும் க்யூஆர் கோடு உருவாக்கப்பட்டது. அவை சம்பந்தப்பட்ட கழிப்பறைகளில் பொருத்தப்பட்டு அதன் மூலம் பொதுமக்கள் தெரிவிக்கும் குறைகளை நிவர்த்தி செய்யும் பொருட்டு பல நகராட்சி, மாநகராட்சிகள் சுகாதாரம் பேணி காப்பதில் சிறப்பாக செயல்பட்டு பராமரிப்பு பணிகளை நகராட்சி சுகாதார அதிகாரிகள், மற்றும் ஆணையர்கள் நேரடியாக கவனித்து வருகின்றனர். இதனால் பல மாவட்டங்களில் நகராட்சி கழிப்பறைகள் சுத்தமாகவும், சுகாதாரமாகவும் பராமரிக்கப்படுகிறது ஆனால் கொதிக்கும் கோடையிலும் குளுகுளு சூழல் நிலவும் மலைப்பிரதேசம் கொடைக்கானல். மலைகளின் இளவரசி எனும் அடைமொழியுடன் திகழும் கொடைக்கானலில் மனதை மகிழ்விக்கும் இயற்கை எழில் சூழ்ந்த இடங்கள் பல உண்டு.இங்கு இயற்கையை ரசிக்க வரும் சுற்றுலா பயணிகளுக்கும் சரி, கொடைக்கானல் வாழ் மக்களுக்கும் சரி கொடைக்கானல் நகராட்சி பகுதி சுகாதார சீர்கேடு மிகுந்த பகுதி என கொடைக்கானல் பற்றி விமர்சிக்கும் அளவிற்கு கொடைக்கானல் நகராட்சி நிர்வாகம் மற்றும் சுகாதார அதிகாரிகள் ஆகியோர் அலட்சியப் போக்கில் செயல்பட்டு வருகின்றனர். இவர்களில் இந்த மெத்தன போக்குகளை பொதுமக்கள் சுட்டிக்காட்டி பல்வேறு குற்றச்சாட்டுகள் முன்வைக்கின்றனர்.கொடைக்கானல் நகராட்சி சார்பில் கழிப்பறைகள் பராமரிப்பு என்பது படுமோசம் என அனைத்து தரப்பினரும் தெரிவித்து வருகிறார்கள்.கொடைக்கானல் நகராட்சிக்கு உட்பட்ட பகுதிகளில் சுமார் 50 க்கு மேற்பட்ட இலவச மற்றும் கட்டண கழிப்பறைகள் உள்ளன. ஆனால் மேற்கண்ட கழிப்பறைகள் சுத்தமாகவும், பயன்பாட்டுக்கு உரியதாகவும் உள்ளதா?, கைகளை கழுவுவதற்குரிய கிண்ணம் தூய்மையாக உள்ளதா தண்ணீர் வசதி, துர்நாற்றம் வீசுகிறதா கழிப்பறை கதவுகளில் தாழ்ப்பாள் உள்ளதா என்பது உள்ளிட்ட பல்வேறு விஷயங்களை கவனிப்பது கொடைக்கானல் நகராட்சி சுகாதார அலுவலர்களின் பணியாகும் ஆனால் எந்தவித பராமரிப்புகள் இன்றி பொதுமக்கள் பயன்படுத்த முடியாத நிலை ஏற்பட்டுள்ளது இங்குள்ள ஏரிச்சாலையில் நடைபயிற்சி சென்றபடி இயற்கையை ரசிக்கும் மக்கள் கூட்டம் நாள்தோறும் ஏராளம் எனவே, நட்சத்திர ஏரி பகுதி கொடைக்கானலில் முக்கிய சுற்றுலா இடமாக உள்ளது. ஆனால், இங்கு வரும் சுற்றுலா பயணிகளுக்கு அடிப்படை வசதிகள் இருந்தும், அங்கு கழிப்பறை போதிய பயன்பாட்டில் இல்லாதது வேதனையான விஷயமாக உள்ளது.இந்த ஏரியை சுற்றிலும் பல கழிப்பறைகள் கட்டப்பட்டுள்ளன. அவற்றை சுற்றுலா பயணிகள் மற்றும் வியாபாரிகள் பயன்படுத்தி வந்தனர். ஆனால், தற்போது அவற்றில் தண்ணீர் வசதி இல்லாததால் அவற்றை பயன்படுத்த முடியாத நிலை ஏற்பட்டுள்ளது. அதிலும் ஒரு கழிப்பறை கொடைக்கானல் நகராட்சி அலுவலகத்துக்கு மிக அருகில் உள்ளது. இது போன்ற விஷயங்களை பார்த்து சுற்றுலா பயணிகளும் பொதுமக்களும் முகம் சுளிக்கிறார்கள் கொடைக்கானல் நகராட்சியின் மெத்தன போக்கிற்கு மேலும் ஒரு சாட்சியாக மூஞ்சிக்கல் மைதானத்தில் அமைக்கப்பட்டுள்ள நகராட்சி கழிப்பறை மிக பிரம்மாண்டமாக கட்டப்பட்டு நீண்ட மாதங்களாக கழிப்பறை மூடியே கிடைக்கின்றது. மூஞ்சிகள் விளையாட்டு மைதானத்தில் பள்ளி மாணவர்கள் பங்கேற்கும் நிகழ்ச்சிகள் மற்றும் பல்வேறு விளையாட்டு வீராங்கனைகள் பங்கேற்கும் நிகழ்வுகள் இங்கு நடைபெறுகிறது அதுபோல் ஆண்கள் பெண்கள், கல்லூரி மாணவ மாணவியர்கள் இந்த மைதானத்தை பயன்படுத்துகிறார்கள் உடற்பயிற்சிக்காக நாள்தோறும் வரும் பொது மக்களின் எண்ணிக்கை ஏராளம் அப்படி இருந்தும் பொதுமக்கள் பயன்பாட்டுக்கு இங்கு கழிப்பறைகள் செயல்பாட்டில் இல்லை மூஞ்சிக்கல் மைதானத்தில் விளையாட்டு வீரர்களுக்கும், பெண்களுக்கும் பயன்படுத்த முடியாதபடி கழிப்பறை புதிதாக கட்டப்பட்ட நிலையில் பல மாதங்களாக பொதுமக்கள் பயன்பாட்டிற்கில்லாமல் பூட்டிய நிலையில் காட்சி பொருளாக இருந்து வருகிறது . இதனால் பொதுமக்கள் விளையாட்டு வீரர்கள் உடற்பயிற்சி செய்பவர்கள் பலரும் கழிப்பறை பயன்பாட்டில் இல்லாததால் மிகுந்த மனவேதனை அடைந்து வருகின்றனர். இதுகுறித்து பல்வேறு தரப்பினர்கள் கொடைக்கானல் நகராட்சி சுகாதார அதிகாரிகளிடம் தெரிவித்தும் மைதானத்தில் உள்ள கழிப்பறை பயன்பாட்டிற்கு கொண்டு வருவதற்கான நடவடிக்கையை மேற்கொள்ளவில்லை என குற்றச்சாட்டுகள் எழுந்து வருகிறது மாண்புமிகு தமிழ்நாடு துணை முதலமைச்சர் உதயநிதி ஸ்டாலின் விளையாட்டு வீரர்களையும் மாணவர்களையும் ஊக்கப்படுத்தும் வகையில் பல்வேறு விளையாட்டு மைதானங்களில் உடற்பயிற்சி செய்வதற்கான உபகரணங்கள், மற்றும் கழிப்பறை வசதிகள் ஆகியவை உடனுக்குடன் செய்து கொடுக்க வேண்டும் என உத்தரவிட்டும் துணை முதல்வரின் உத்தரவை காற்றில் பறக்க விடும் வகையில் கொடைக்கானல் நகராட்சி நிர்வாகம் அலட்சியமாக செயல்படுகிறது மூஞ்சிக்கல் மைதானத்தில் நேற்று முன்தினம் நடைபெற்ற நிகழ்ச்சியில் ஏராளமான பள்ளி மாணவ மாணவியர்கள் பங்கேற்ற நிலையில் கழிப்பறைகள் பூட்டி கிடப்பதால் ஏராளமான பொதுமக்கள் பெரும் சிரமத்திற்கு உள்ளாகியதாக கூறப்படுகிறது. உலக புகழ் பெற்ற சுற்றுலாத்தலமான கொடைக்கானல் நகராட்சி பகுதியில் சுகாதாரத்தை பேணி காப்பதில் இத்தனை மெத்தனப்போக்கு காட்டி வரும் சுகாதார அதிகாரிகள் யார்? யார்? என்பதையும் அவர்களுக்கு உறுதுணையாக இருக்கும் உயர் அதிகாரிகளையும் உள்ளாட்சித் துறை அமைச்சர் கே.என். நேரு, நகராட்சி நிர்வாக இயக்குனர் ஆகியோர் இணைந்து அதிரடி நடவடிக்கை மேற்கொண்டால் மட்டுமே கொடைக்கானல் சுற்றுலா பகுதி சுகாதார சீர்கேட்டில் இருந்து பாதுகாக்கப்படும் என பொதுமக்கள் மற்றும் சுற்றுலா பயணிகள் தெரிவிக்கின்றனர்.மூஞ்சிக்கல் மைதானத்தில் பல லட்சம் மதிப்பில் கட்டப்பட்டு காட்சி பொருளாக இருக்கும் கழிப்பறைகள் எப்போது திறக்கப்படும் ? மேற்கண்ட மைதானத்தில் அமைக்கப்பட்டிருக்கும் கழிப்பறைகளை பராமரிப்பதற்கு தொகுப்பூதியத்தில் கூட பணியாளர்கள், மற்றும் காவலாளிகளை கொடைக்கானல் நகராட்சி நிர்வாகம் நியமித்திருக்கலாம் ஆனால் சுகாதார அதிகாரிகள் மெத்தனப் போக்கால் இந்த மைதானத்திற்கு நாள்தோறும் வரும் ஆண்கள், பெண்கள், இளைஞர்கள், மாணவர்கள், ஆகியோர் இந்த மைதானத்தில் கழிப்பறை வசதிகள் இல்லாமல் மிகவும் சிரமத்திற்கு உள்ளாகி வருகின்றனர். இந்த விஷயத்தில் கொடைக்கானல் நகராட்சி ஆணையர் தனிக் கவனம் செலுத்தி மேற்கண்ட மூஞ்சிக்கல் மைதானத்தில் அமைக்கப்பட்டிருக்கும் நவீன கழிப்பறையை திறக்க நடவடிக்கை மேற்கொள்ள வேண்டும் என பொதுமக்கள் கோரிக்கைகளை முன்வைக்கின்றனர் நகராட்சி ஆணையரின் நடவடிக்கை என்ன என்பதை பொறுத்திருந்து பார்ப்போம்….
செய்தி தொகுப்பு கோடை ஆனந்த்
