தூத்துக்குடி சிவந்தாகுளம் பகுதியை சேர்ந்தவர் மணிராஜ், இவரது மகள் திவ்ய தர்ஷினி (25). (ஆசிரியர்) , ஸ்டேட் பேங்க் காலனி பகுதியைச் சேர்ந்த அதிமுக வடக்கு பகுதி செயலாளரும், முன்னாள் கவுன்சிலருமான பொன்ராஜ் என்பவரது மகன் கவிராஜ் என்பவருக்கும் கடந்த 10/12/ 2023 ஆம் ஆண்டு திருமணம் நடைபெற்றது.
திருமண வரதட்சணையாக 80 பவுன் தங்க நகைகள் கவிராமுக்கு 3 பவுன் செயின், 2 பவுன் கைச்செயின், ரூ10 லட்சம் ரொக்கம் மற்றும் 7 லட்சம் மதிப்புள்ள சீர்வரிசை பொருட்கள் வரதட்சணையாகக் கொடுக்கப்பட்டுள்ளன. திருமணத்திற்குப் பிறகு கணவர் கவிராம் உடன் அவரது தந்தை பொன்ராஜ் வீட்டில் வசித்து வந்துள்ளனர். இந்நிலையில் கடந்த 11/01/2024 ஆம் தேதி இரவு சுமார் 10.30 மணிக்கு திவ்யதர்ஷினி அவரது படுக்கை அறையில் உறங்கிக் கொண்டிருந்துள்ளார். அப்போது நைசாக உள்ளே நுழைந்த மாமனார் பொன்ராஜ் கட்டிலில் படுத்திருந்த மருமகள் திவ்யதர்ஷினி அருகில் சென்று பாலியல் சீண்டலில் ஈடுபட்டுள்ளார். இதில் சுதாரித்து கொண்ட திவ்யதர்ஷினி அவரை படுக்கை அறையை விட்டு வெளியே செல்லுங்கள் என கூறியுள்ளார். அதற்கு தன்னுடைய ஆசைக்கு இணங்க வேண்டும் என்று வற்புறுத்தியுள்ளார். இதனால் ஆத்திரமடைந்த திவ்யதர்ஷினி அவரை திட்டி வெளியே அனுப்பி வைத்துள்ளார். அதன்பிறகு அவரது கணவர் கவிராம் மற்றும் மாமியார் லீலாவதியிடம் நடந்ததை கூறியுள்ளார். அதற்கு கணவர் கவிராம் நடந்ததை வெளியே கூறக்கூடாது. மேலும், தந்தையை அனுசரித்து சென்றால்தான் குடும்பம் நடத்த முடியவில்லை என்றால் கொலை செய்து விடுவதாகவும் மிரட்டல் விடுத்துள்ளார். அதன் பிறகு தொடர்ந்து வீட்டில் வைத்து சித்திரவதை செய்து, 25 சென்ட் தாய்வழி சொத்தை எழுதி வாங்கி வர வேண்டும் என கூறியுள்ளனர். அதற்கு சம்மதிக்காத தீவதர்ஷிணியை அடித்து துன்புறுத்தி உள்ளனர். இதனால் சித்திரவதை தாங்காத திவ்யதர்ஷினி தனது தந்தை மணிராஜ்-க்கு போன் மூலம் தகவல் தெரிவித்துள்ளார். இதையடுத்து அவரது தந்தை மற்றும் உறவினர்களுடன் பொன்ராஜ் வீட்டிற்கு சென்று நியாயம் கேட்டுள்ளார். அதற்கு பொன்ராஜ் குடிபோதையில் மருமகளிடம் தவறாக நடந்து கொண்டதாக மன்னிப்பு கேட்டுள்ளார்.
அதன்பிறகு இரண்டு மாதமான திவ்யதர்ஷினிக்கு கவிராஜ் சகோதரி சென்னையில் சித்த மருத்துவத்தில் உள்ள கீதாவை வரவழைத்து 4 பேரும் சேர்ந்து கட்டாயப்படுத்தி கருகலை மாத்திரை கொடுத்து கருக்கலைப்பு நடத்தினார். இதை வெளியில் கூறினால் கொலை செய்துவிட்டு தற்கொலை செய்து கொண்டதாக கூறி, தனது அரசியல் பலத்தை பயன்படுத்தி தப்பித்து விடுவதாக பொன்ராஜ் கூறியதாக கூறப்படுகிறது. அதன்பிறகு 01/10/2024 அன்று திவ்யதர்ஷினி அவரது தாய் வீட்டில் விட்டுச் சென்றுள்ளார் கவிராஜ், அதன்பிறகு அவர் மனைவியைக் கூட்டிச் செல்லவில்லை. இதனால் 10 10 2024 அன்று ஸ்டேட் பேங்க் காலனி மேற்கு தெருவில் கணவர் கவிராஜ் வீட்டிற்கு சென்றுள்ளார். ஆனால் அங்கு கணவர் மற்றும் மாமனார் அவரை உள்ளே விடாமல் அடித்துக்கொலை மிரட்டல் விடுத்துள்ளனர்.. இதுகுறித்து, தூத்துக்குடி வடபாகம் காவல் நிலையத்தில் திவ்யதர்ஷினி புகார் மனு கொடுத்துள்ளார். “அங்கு பொன்ராஜ் தனது அரசியல் பலத்தை பயன்படுத்தி அங்குள்ள காவல் உதவி ஆய்வாளரிடம் விசாரணையை கைவிடுமாறு கூறியதாக கூறப்படுகிறது.” கொடுத்த புகார் மனு மீது வடபாகம் காவல் நிலைய போலீசார் நடவடிக்கை எடுக்காததை தொடர்ந்து, தூத்துக்குடி அனைத்து மகளிர் காவல் நிலையத்தில் திவ்யதர்ஷினி மனுவை அளித்தார்.
மனுவை விசாரித்த அனைத்து மகளிர் காவல் நிலைய போலீசார் பாலியல் சீண்டலில் ஈடுபட்ட மாமனார் பொன்ராஜ், மாமியார் லீலாவதி, கணவர் கவிராஜ் மற்றும் கட்டாய கருக்கலைப்பு செய்த கணவரின் சகோதரி கீதா ஆகிய நான்கு பேர் மீது (u/s.498(A), 354(A), 403, 506(ii) IPC) பிரிவுகளில் வழக்கு பதிவு. நான்கு பிரிவுகளில் வழக்கு பதிந்துள்ளனர்.
தூத்துக்குடியில் அதிமுக பிரமுகர் மருமகளிடம் பாலியல் சீண்டலில் ஈடுபட்ட சம்பவம் பரபரப்பாக பேசப்பட்டு வருகிறது
