இலங்கையில் கடந்த 2019ல் ஈஸ்டர் தாக்குதலுக்குப் பிறகு சிறுபான்மையினர்களான முஸ்லிம்கள் மீதான அரசின் அடக்குமுறைகள் அதிகரித்து வருகின்றன. அந்த வகையில், தற்போது முஸ்லிம் பெண்கள் புர்கா அணிய தடை கொண்டு வரப்பட இருக்கிறது.
இது குறித்து அந்நாட்டின் பொது பாதுகாப்பு துறை அமைச்சர் சரத் வீரசேகரா அளித்த பேட்டியில் கூறியதாவது: உள்நாட்டின் பாதுகாப்பை கருத்தில் கொண்டு முஸ்லிம் பெண்கள் தங்கள் முகத்தை மறைக்கும் புர்கா அணிய தடை கொண்டு வரப்பட உள்ளது. இதற்கு அமை ச்சரவை அனுமதி அளி த்து விட்டது. முந்தைய காலங்களில் முஸ்லிம் பெண்கள், சிறுமிகள் புர்காக்களை அணியவில்லை. இந்த மத தீவிரவாதத்தின் அடையாளம் சமீபத்தில்தான் தோன்றியது. எனவே, அதற்கு நாங்கள் கட்டாயம் தடை விதிப்போம். தேசிய கல்விக் கொள்கையை மீறும் ஆயிரத்துக்கும் மேற்பட்ட இஸ்லாமிய பள்ளிகளான மதரசாக்களுக்கும் தடை விதிக்க அரசு திட்டமிட்டுள்ளது.
இலங்கையில் ஆயிரம் முஸ்லிம் பள்ளிகளுக்கு தடை மற்றும் பொதுவெளியில் பெண்கள் புர்கா அணியவும் தடை விதித்து அரசு நடவடிக்கை மேற்கொண்டுள்ளது. கொழும்புவில் செய்தியாளர்களிடம் பேசிய பொது பாதுகாப்புத்துறை அமைச்சர் சரத் வீரசேகரா; புர்கா அணிவது நாட்டின் பாதுகாப்புக்கு நேரடியாக அச்சுறுத்தலாக அமைந்துள்ளதாக கூறினார். மேலும் புர்கா அணிவது மதத்திவிரவாதத்தின் அடையாளமாக உள்ளதாகவும் அவர் தெரிவித்தார். யாரும் தாங்களாகவே பள்ளிகளை தொடங்கி அவர்களின் இஷ்டத்துக்கு தேவையானதை கற்பிக்க முடியாது, அரசின் கல்விக் கொள்கைகளுக்கு உட்பட்டே கல்வி பயில வேண்டும் எனவும் அவர் கருத்து தெரிவித்தார்.
மேலும் பதிவு செய்யப்படாத பள்ளிகள் பெரும்பாலும் அரபிக் மற்றும் குரானை மட்டுமே கற்பித்துக் கொண்டிருக்கின்றன இது தவறானது. புர்கா அணிவதற்கான தடை மற்றும் மதராஸாக்கள் எனப்படும் ஆயிரம் முஸ்லிம் பள்ளிகளை மூடவும் சரத் வீரசேகரா கையொப்பமிட்டுள்ளார். இலங்கை அதிபர் ஒப்புதல் அளித்ததும் தடை நடைமுறைக்கு வர உள்ளது. இலங்கையில் கடந்த 2019-ம் ஆண்டு ஏப்ரல் மாதம் ஈஸ்டர் பண்டிகையின் போது கொழும்புவில் உள்ள அந்தோணியர் தேவாலயம், நட்சத்திர ஹாட்டல் உள்ளிட்ட பல இடங்களில் குண்டு வெடிப்பு நிகழ்ந்தது. இதையடுத்து இலங்கை அரசு உள்நாட்டு பாதுகாப்பை தீவிரப்படுத்தியுள்ளது.
இதன் ஒரு பகுதியாகவே புர்கா அணிய தடை விதிக்கப்பட்டுள்ளதாக சரத் வீரசேகராதெரிவித்தார். கடந்த ஆண்டில் கொரோனா பாதிப்பில் இறந்த முஸ்லிம்களின் உடல்களை எரிப்பதை இலங்கை அரசு கட்டாயமாக்கியது குறிப்பிடத்தக்கது. இதனிடையே புர்கா அணிய தடை ஆயிரம் மதராஸாக்களை மூடும் இலங்கை அரசின் நடவடிக்கைக்கு பல்வேறு தரப்பினர் கடும் கண்டனம் தெரிவித்து வருகின்றனர்.
