எஸ்பிளனேடு பகுதியில் பேருந்தில் பயணியிடம் தங்க நகைகளை திருடிய நந்தினி மற்றும் தீபா ஆகியோர் எஸ்பிளனேடு காவல் குழுவினரால் கைது செய்து, 24 சவரன் தங்க நகைகளை கைப்பற்றிய எஸ்பிளனேடு காவல்துறையினரை சென்னை பெருநகர போலீஸ் கமிஷ்னர் நேரில் அழைத்து வெகுமதி வழங்கி பாராட்டினார்
ஆந்திர மாநிலம், சித்தூர் மாவட்டத்தைச் சேர்ந்த சேகர், வ/65, 09.01.2021 அன்று ஆந்திராவிலிருந்து தங்க நகைகளை பாலிஸ் செய்வதற்காக சென்னை செங்குன்றம் வந்து தடம் எண்.242 மாநகர பேருந்தில் பயணித்து பிராட்வே பேருந்து நிலையத்தில் இறங்கி பையை திறந்து பார்த்த போது, பையில் வைத்திருந்த 27 சவரன் தங்க நகைகள் திருடு போயிருப்பது தெரியவந்துள்ளது. இது குறித்து சேகர் எஸ்பிளனேடு காவல் நிலையத்தில் கொடுத்த புகாரின் பேரில், எஸ்பிளனேடு காவல் நிலைய குற்றப்பிரிவு ஆய்வாளர் தலைமையிலான காவல் குழுவினர் கண்காணிப்பு கேமரா பதிவுகளின் உதவியுடன் விசாரணை செய்து, மேற்படி வழக்கில் சம்பந்தப்பட்ட நந்தினி, வ/27, திருப்பத்தூர் தீபா, வ/32, திருப்பத்தூர் ஆகியோரை கைது செய்து, அவர்களிடமிருந்து 24 சவரன் தங்க நகைகள் கைப்பற்றப்பட்டது. மேலும் அவர்கள் மீது நீதிமன்ற நடவடிக்கை மேற்கொள்ளப்பட்டது.
மேற்படி வழக்கில் சிறப்பாக பணிபுரிந்து குற்றவாளிகளை கைது செய்த எஸ்பிளனேடு காவல் குழுவினரை, சென்னை பெருநகர போலீஸ் கமிஷ்னர் மகேஷ்குமார் அகர்வால் இன்று நேரில் அழைத்துப் பாராட்டி வெகுமதி மற்றும் சான்றிதழ்கள் வழங்கினார்.
