கலைஞரின் வழியில் மீனவர்களின் நலன் காப்பவர் முதலமைச்சர் ஸ்டாலின் – அமைச்சர் கீதாஜீவன் பேச்சு

தூத்துக்குடி.

உலக மீனவர் தின விழாவையொட்டி தூத்துக்குடி மீன்பிடி துறைமுகத்தில் நடைபெற்ற மீனவர் தின விழாவிற்கு மாவட்ட விசைப்படகு தொழிலாளர் சங்க தலைவர் தர்மபிச்சை வகித்தார். செயலாளர் ஜவகர் முன்னிலை வகித்தார். ஆலோசகர் சுஜித் வரவேற்புரையாற்றினார்.

வடக்கு மாவட்ட திமுக செயலாளரும், சமூக நலன் மற்றும் பெண்கள் உரிமைத்துறை அமைச்சர் கீதாஜீவன் மீனவர் தினத்தை முன்னிட்டு கொடியேற்றி அவசர தேவைக்கான ஆம்புலன்ஸ் வாகனத்தை இயக்கி வைத்தும் மருத்துவ முதலுதவி மையத்தை திறந்து வைத்தார்.

முன்னதாக, பாதிரியார் உபால்டஸ் அடிகளார் மீனவர் தினத்தை முன்னிட்டு தொழிலாளர்கள் இயற்கையோடும், செயற்கையோடும் வாழ்பவர்களை பாதுகாத்து தொழில் சிறந்த முறையில் நடைபெற வேண்டும் என்று கூட்டுப்பிரார்த்தனை செய்து, கேக் வெட்டி அனைவருக்கும் வழங்கினார்.

பின்னர் அமைச்சர் கீதாஜீவன் உலக மீனவர் தினத்தையொட்டி நடைபெற்ற பேச்சுப்போட்டி, கட்டுரைப் போட்டி, ஓவியப்போட்டி ஆகியவற்றில் வெற்றிப்பெற்ற மாணவ-மாணவியர்களுக்கு பரிசு வழங்கியும், கடலுக்கு செல்லும் மீனவர்கள் 2500 பேருக்கும் மழை கோட் வழங்கி பேசுகையில்: ஒவ்வொரு ஆண்டும் இதுபோன்ற விழா எடுக்க வேண்டும் என்றால், ஆண்டுதோறும் இணைந்து எல்லோரும் பணியாற்ற வேண்டும். இயற்கையின் எதிர்ப்பு அலையோடும், சூரியன் நிலவு என சூழ்நிலைகள் மாறும் போது, நிலவின் வெளிச்சத்தில் பணி செய்கிறார்கள். சூரியன் உதித்த போது ஓய்வில் இருக்கிறார்கள். இயற்கையாகவே எதிர்ப்பு வாழ்க்கையாக கொண்டு தொழிலாளர்கள் படும் கஷ்டத்தை பலரின் மூலமாக தெரிந்து கொண்டேன். எதிர்கால சமுதாயத்தை எல்லாம் திட்டமிட்டு பணியாற்ற வேண்டும். ஒவ்வொரு ஆண்டும் இனி நடைபெறும் விழாவின் போது என்னுடைய பங்கு இருக்கும். சில தினங்களுக்கு முன்பு இங்கு நிரந்தரமாக ஆம்புலன்ஸ் வசதி ஏற்படுத்தித் தர வேண்டும். அதேபோல், மருத்துவ முதலுதவி மையமும் அமைக்க வேண்டும் என்று கோரிக்கை வைத்த போது, நான் ஒருமாத காலம் அவகாசம் கேட்டேன். இந்த தகவலை தமிழக முதலமைச்சர் மு.க.ஸ்டாலின் கவனத்திற்கு கொண்டு சென்ற போது, சுகாதாரத் துறை அமைச்சர் சுப்பிரமணியனை சந்திக்கவும் என்று தெரிவித்ததின் அடிப்படையில் அமைச்சரிடம் கூறியதும், உடனடியாக தற்போது சிறிய ஆம்புலன்ஸ் வாகனம் கொடுத்துள்ளார்கள். இன்னும் சில தினங்களில் பெரிய வாகனம் வந்து விடும். அனைத்து வசதிகளும் உள்ளடக்கிய இந்த வாகனம் நிரந்தரமாக இங்கு நிறுத்தப்படும். இதேபோல், கடற்கரை பகுதியான உவரி, கன்னியாகுமரி போன்ற மீனவர்கள் பகுதிகளிலும் ஆம்புலன்ஸ் வசதி வேண்டுமென்று கோரிக்கை வைத்துள்ளீர்கள். முதலமைச்சர் கவனத்திற்கு எடுத்துச் செல்லப்படும். சமீபத்தில் கடற்கரை பகுதியில் நடைபெற்ற விளையாட்டுப்போட்டியின் போது, கனிமொழி எம்.பி. விசைப்படகு மூலம் பயணம் மேற்கொண்டார். ஆனால் எனக்கு பய உணர்வு இருந்ததால் நான் செல்லவில்லை. இப்போது, நீங்கள் படும் கஷ்டத்தை அறிவதற்கு என்னை கடலுக்கு வரவேண்டும் என்று அழைத்துள்ளீர்கள். அதற்கான முயற்சியை மேற்கொள்வேன். மீனவர்கள் வெளிப்புறத் தோற்றத்தில் முரட்டுத்தனமாக காணப்பட்டாலும், பழகிவிட்டால் அன்பும், பாசமும் கொண்டவர்கள். எந்தவித சூதுவாதும் இல்லாமல் வாஞ்சையாக பழகக் கூடிய குணமுடையவர்கள். மீனவர்களுக்கான காப்பீட்டுத் திட்ட முகாம் வருகிற 25ம் தேதி இங்கு நடைபெறும். அதற்கான ஏற்பாடுகளை நான் ஏற்கனவே செய்து விட்டுத் தான் இந்த நிகழ்ச்சிக்கு வந்துள்ளேன். இதே போல் உப்பளத் தொழிலாளர்களுக்கும் முகாம் நடைபெறும். இந்த மீன்பிடித் துறைமுகம் வளர்ச்சிக்கென்று நிதி ஒதுக்கீடு செய்யப்பட்டு பணிகள் முடிவு பெற்றுள்ளன. திரேஸ்புரம் பகுதியில் பணிகள் நடைபெறுகிறது. அதை விரைந்து முடிப்பதற்கு நடவடிக்கை எடுக்கப்படும். இனிகோ நகர் பகுதியில் ஹைமாஸ் லைட் அமைக்கப்பட வேண்டும் என்ற கோரிக்கையை ஏற்று அமைத்துக் கொடுக்கப்பட்டுள்ளது. திரேஸ்புரம் பகுதியில் தள்ளுவண்டி மூலம் குடிதண்ணீர் எடுத்து வந்த பொதுமக்களின் குறைகளை தீர்க்கும் வகையில் அனைத்துப் பகுதிக்கும் குடிநீர் வசதி செய்து கொடுத்துள்ளேன். மீனவர்களின் கோரிக்கையை ஏற்று கந்து வட்டி போன்றவைகளில் சிக்கிக் கொள்ளாமல் இருக்க மீனவர்கள் கூட்டுறவு கடன் சங்கம் உங்களது கோரிக்கைளை ஏற்று அமைக்கப்பட்டுள்ளது. அதன் மூலம் குறைந்தவட்டியில் தொழில்கடன், திருமண கடன் என பல கடன்களை பெற்றுக்கொள்ளலாம். உங்களுக்கு முதலமைச்சர் கொடுத்த வாக்குறுதியின்படி 18 ஆயிரம் லிட்டர் டீசல் வழங்கியதை 19 ஆயிரம் லிட்டராக உயர்த்தியும், நாட்டுப்படகுகளுக்கு 4 ஆயிரம் லிட்டரில் இருந்து 4 ஆயிரத்து 400 லிட்டராக உயர்த்தி டீசல் வழங்கப்பட்டுள்ளது. 96ல் கட்டப்பட்ட சிங்கராவேலர் குடியிருப்பு பகுதியில் குடியிருப்பவர்களுக்கு பட்டாவை முதலமைச்சர் வழங்கியுள்ளார். நமது மாவட்டத்திலும் 160 பேர்களுக்கு விரைவில் வழங்கப்படும். சுனாமி குடியிருப்பு பகுதிகளுக்கும் பட்டா வழங்கப்படும். கலைஞர் வழியில் முதலமைச்சர் ஸ்டாலின் மீனவர்கள் நலனில் அக்கறை கொண்டு செயல்பட்டு வருகிறார். அனைவரும் முதலமைச்சருக்கு உறுதுணையாக இருக்க வேண்டும் என்று அமைச்சர் கீதாஜீவன் பேசினார்.

வியாபாரிகள் சங்க தலைவர் விநாயகமூர்த்தி, பேராசிரியர் பாத்திமா பாபு, ஏஐடியுசி மாவட்ட தலைவர் கிருஷ்ணராஜ், தமிழ்நாடு மீனவர் நல வாரிய உறுப்பினர் அந்தோணி ஸ்டாலின், அமைப்பு சாரா தொழிலாளர் கூட்டமைப்பு தலைவர் கிருஷ்ணமூர்த்தி, எழுத்தாளர் ஆசிரியர் நெய்தல் அண்டோ ஆகியோர் வாழ்த்துரை வழங்கினார்கள்.

விழாவில், மாநில திமுக மீனவரணி துறைமுகம் புளோரன்ஸ், மாநகர திமுக செயலாளர் ஆனந்த சேகரன், துணை மேயர் ஜெனிட்டா செல்வராஜ், மாவட்ட அவைத்தலைவர் செல்வராஜ், மாநகர துணைச் செயலாளர் பிரமிளா, மாநகராட்சி மண்டல தலைவர்கள் நிர்மல்ராஜ், கலைச்செல்வி திலகராஜ், இலக்கிய அணி அமைப்பாளர் ஜீவன் ஜேக்கப், பொதுக்குழு உறுப்பினர் கஸ்தூரி தங்கம், மாவட்ட மகளிரணி அமைப்பாளர் கவிதா தேவி, பகுதி செயலாளர்கள் ரவீந்திரன், சுரேஷ்குமார், மேகநாதன், ஜெயக்குமார், மாவட்ட சிறுபாண்மை அணி துணை அமைப்பாளர் நிக்கோலாஸ் மணி, அரசு வழக்கறிஞர் ஆனந்;த கபரியேல்ராஜ், மாவட்ட மருத்துவ அணி தலைவர் அருண்குமார், மாநகர தொழிலாளர் அணி துணைத்தலைவர் செந்தில்குமார், அமைப்பாளர் முருகேசன், இலக்கிய அணித்தலைவர் நலம் ராஜேந்திரன், கலை இலக்கிய அணி துணை அமைப்பாளர் சீத்தாலெட்சுமி, மாநகர மீனவரணி அமைப்பாளர் டேனி, துணை அமைப்பாளர் ஆர்தர் மச்சாது, வட்டச்செயலாளர்கள் லியோ ஜான்சன், டென்சிங், அண்டோ, முத்துராஜா, வட்டப்பிரதிநிதிகள் ஜார்ஜ், அந்தோணி பிச்சை, ஜெயக்குமார், குமார், கவுன்சிலர்கள் சுதா, ஜெயசீலி, சரவணக்குமார், வைதேகி, விஜயகுமார், பவானி மார்ஷல், தனலெட்சுமி, மரியகீதா, ரெக்ஸ்லின், சுகாதார பணிகள் துறை இணைச் செயலாளர் பொற்செல்வன், வக்கீல் முத்துலெட்சுமி, ஏ.யு.டி.சி தொழிற்சங்கம் பாலசிங் மற்றும் பெல்லா, மணி, அல்பர்ட், மாவட்ட விசைப்படகு தொழிலாளர் சங்க பொருளாளர் ரோயன், ரவிக்குமார், இந்திய கம்யூனிஸ்ட் கட்சி மாநகர செயலாளர் ஞானசேகரன் உள்பட மீனவர்கள் திரளானோர் கலந்து கொண்டனர்.

மாவட்ட விசைப்படகு தொழிலாளர் சங்க உதவி செயலாளர் சண்முக சுந்தரராஜா நன்றியுரையாற்றினார்.