தூத்துக்குடி
எம்.ஜி.ஆர் ரசிகராக வலம்வந்த ஹென்றி, எம்.ஜி.ஆர் மன்றத்தை உருவாக்கி பணியாற்றிய அவர் அரசியலில் அங்கீகாரம் பெற்று தூத்துக்குடி நகர அதிமுக செயலாளராகவும், நகர்மன்ற உறுப்பினராகவும் பணியாற்றி பின்னர் ஒருங்கிணைந்த அதிமுக மாவட்ட செயலாளராகவும், தூத்துக்குடி நகர்மன்ற தலைவராகவும் பணியாற்றினார். இவரது முழுநேர அரசியல் காலத்தில் அதிரடிக்கு பெயர்பெற்று ஒருமுறை சட்டமன்ற தேர்தலில் போட்டியிட்டு வெற்றிவாய்ப்பை இழந்தவர். பல்வேறு நலத்திட்ட உதவிகளையும் வழங்கி தனக்கென்று உள்ள ஆதரவாளர்களுடன் அதிமுகவில் தீவிரமாக பணியாற்றி வருகிறார். அவரது பிறந்தநாளையொட்டி அதிமுக பொதுச்செயலாளரும், முன்னாள் முதலமைச்சரும் சட்டமன்ற எதிர்கட்சித் தலைவருமான எடப்பாடி பழனிச்சாமியை சேலம் நெடுஞ்சாலை நகர் இல்லத்தில் சந்தித்து வாழ்த்துப் பெற்றார். தூத்துக்குடி மாநகரில் அரசியல் கட்சி பிரமுகர்கள்; உள்பட பல்வேறு தரப்பினர் வாழ்த்து தெரிவித்தனர்.
