ஸ்ரீவைகுண்டம் அருகே 14 வயது சிறுமிக்கு பாலியல் தொல்லை கொடுத்தவரை போலீசார் தேடி வருகின்றனர்.
இதுகுறித்து போலீஸ் தரப்பில் கூறப்படுவதாவது : தூத்துக்குடி மாவட்டம், ஸ்ரீவைகுண்டம் அருகேயுள்ள குருகாட்டூர், மாசிலாமணி நகரைச் சேர்ந்தவர் தங்கராஜ் மகன் செல்வராஜ் (55), இவர் அப்பகுதியில் கடை வீதிக்கு சென்று கொண்டிருந்த 14 வயது சிறுமிக்கு பாலியல் தொல்லை கொடுத்துள்ளார்.
இதனை தட்டிக் கேட்ட அச்சிறுமியின் அண்ணனுக்கும் செல்வராஜ் கொலை மிரட்டல் விடுத்தாராம். இதுகுறித்து ஸ்ரீவைகுண்டம் அனைத்து மகளிர் காவல் நிலையத்தில் புகார் அளிக்கப்பட்டுள்ளது. புகாரின் பேரில், இன்ஸ்பெக்டர் லட்சுமி பிரபா போக்ஸோ சட்டத்தில் வழக்குப் பதிந்து விசாரணை நடத்தி வருகிறார். தலைமறைவாக உள்ள செல்வராஜை போலீசார் தேடி வருகின்றனர்.
