• 24/7 ‎செய்திகள்
  • staff
  • போலீஸ் செய்தி TV
  • Login
Policeseithi
  • 24/7 ‎செய்திகள்
  • அரசியல்
  • இந்தியா
  • உலகம்
  • தமிழகம்
  • முக்கிய செய்திகள்
  • போலீஸ் செய்தி TV
  • குற்றம்
  • போலீஸ் இடமாற்றம்
No Result
View All Result
  • 24/7 ‎செய்திகள்
  • அரசியல்
  • இந்தியா
  • உலகம்
  • தமிழகம்
  • முக்கிய செய்திகள்
  • போலீஸ் செய்தி TV
  • குற்றம்
  • போலீஸ் இடமாற்றம்
No Result
View All Result
Policeseithi
No Result
View All Result

பிரபல நட்சத்திரங்களுக்கு இடையிலான போட்டி

policeseithitv by policeseithitv
March 4, 2021
in 24/7 ‎செய்திகள், இந்தியா, உலகம், தமிழகம், முக்கிய செய்திகள்
0
பிரபல நட்சத்திரங்களுக்கு இடையிலான போட்டி
0
SHARES
0
VIEWS
Share on FacebookShare on Twitter
தமிழ் திரைப்படத் துறையில் பிரபல நட்சத்திரங்களுக்கு இடையிலான போட்டிகள் இங்கே பட்டியலிடப்பட்டுள்ளன. எம்.ஜி.ஆர் – சிவாஜி, விஜய் – அஜித், ரஜினி – கமல் என தமிழ் சினிமாவில் பிரபலமான சில நட்சத்திரங்களுக்கு இடையில் நடக்கும் ஆரோக்கியமான போட்டிகள் காரணமாக தமிழ் சினிமா உலக தரத்தில் பிரபல ஹாலிவுட் திரைப்படத்திற்கு ஈடாக கருதப்படுகிறது. இந்த போட்டிகள் காரணமாக, தமிழ் படக் குழுவினர் லாஜிக் மற்றும் திரைக்கதை ஆகியவற்றின் நுணுக்கங்களில் அதிக ஈடுபாடு கொண்டு வடிவமைத்து திரைப்படத்தினை உருவாக்குகின்றனர். விஜய் – அஜித், எஸ்.கே – விஜய் சேதுபதி, ரஜினி – கமல் போன்ற தமிழ் சினிமாவில் திரைப்படங்கள் மூலமாக போட்டியிடும் நட்சத்திரங்கள் இங்கு உள்ளனர்.
எம். ஜி. இராமச்சந்திரன் – சிவாஜி கணேசன்

எம்.ஜி.ஆர் (எம்.ஜி.ராமச்சந்திரன்) தமிழ்நாட்டில் பிரபல நடிகரும், அரசியல்வாதியும் ஆவார். இவரின் நடிப்பு மற்றும் இவரது உணர்ச்சிபூர்வமான வசனங்கள் மூலம் தமிழ்நாட்டின் அனைத்து நகர்ப்புற மற்றும் கிராமப்புற மக்களை தனது ரசிகர்களாக மாற்றியுள்ளார். இன்றும் தமிழகத்தில் இவருக்கு லட்சக்கணக்கான ரசிகர்கள் உள்ளனர், இந்த ஆதரவின் காரணமாக அவர் தமிழக அரசியலில் நுழைந்து பத்து ஆண்டுகள் முதல்வராக இருந்துள்ளார்.

பிரபல நடிகரும் அரசியல்வாதியுமான சிவாஜி கணேசன், தமிழக அரசியலில் எம்.எல்.ஏ.வாக வென்றார். ஆனால் இன்னும், இவர் தனது நடிப்பின் காரணமாக மக்களால் போற்றப்படுகிறார். சிவாஜி தனது நடிப்பு திறன் மூலம், 2 தேசிய விருதுகள் உட்பட நிறைய சர்வதேச விருதுகளை வென்றுள்ளார். இப்போது சிவாஜியின் வாரிசுகள் ஒரு நடிகராகவும் தயாரிப்பாளராகவும் தமிழ் திரையுலகில் பணியாற்றி வருகின்றனர்.

தமிழ் திரைப்பட துறையில், எம்.ஜி.ஆர் மற்றும் சிவாஜி கணேசன் ஆகியோர் தமிழ் திரைப்படங்களில் நேரடி போட்டியாளர்கள் ஆவார். இவர்கள் இருவரும் 1970களில் மிகப் பெரிய ரசிகர்களைக் கொண்டுள்ளனர்.

ரஜினிகாந்த் – கமல் ஹாசன்

ரஜினிகாந்த் (சிவாஜி ராவ் கெய்க்வாட்) தமிழ் சினிமாவின் சூப்பர் ஸ்டார். இவர் இந்திய திரையுலகில் ‘தலைவர்’ என்றும் அழைக்கப்படுகிறார். இவருக்கு உலகெங்கும் பல ரசிகர்கள் உள்ளனர், குறிப்பாக மலேசியா, மியான்மர், ஜப்பான் மற்றும் தாய்லாந்து போன்ற நாடுகளில் ஒரு ரசிகர் பட்டாளத்தை கொண்டுள்ளார். இப்போது 70 வயதிற்கு மேல் ஆகியும், இன்னும் தமிழ் திரைப்படங்களில் இவரது ரசிகர்களின் ஆதரவின் காரணமாக ஒரு முக்கிய முன்னணி கதாபாத்திரத்தில் நடித்து வருகிறார். இவரது திரைப்படங்கள் உலகம் முழுவதும் வெளியாகி சராசரியாக 200 கோடிகளுக்கு மேல் வசூல் சாதனை படைக்கிறது. திரைவாழ்வில் அனைவராலும் கொண்டாடப்படும் இவர், ஒரே காரணத்திற்காக பலரால் விமர்சிக்கப்படுகிறார். அது ரஜினியின் அரசியல் அறிவுப்பு.

கமல்ஹாசன், திரையுலகில் உலகநாயகன் என்றும் அழைக்கப்படுகிறார். இவர் தனது நடிப்பு திறமை, திரைப்படங்களை தேர்ந்தேடுப்பது, மற்றும் சமூகத்தை சார்ந்த ஒரு தொலைநோக்கு பார்வை மூலம் மக்கள் மத்தியில் அதிகம் பேசப்பட்டு பிரபலமானவர். இப்போது இவர் ‘மக்கல் நீதி மையம்’ என்ற அரசியல் கட்சியின் தலைவர் ஆவார். இவரது திரைப்படங்களுக்கு பல முறை பல தேசிய விருதுகள் மற்றும் சர்வதேச விருதுகள் வழங்கப்பட்டுள்ளது. தமிழ் திரையுலகில், கமல்ஹாசன் ஒரு நடிகர், நடனக் கலைஞர், பாடகர், திரைப்பட இயக்குனர், பாடலாசிரியர், திரைக்கதை எழுத்தாளர் மற்றும் தயாரிப்பாளராக என பல்வேறு துறைகளில் பணியாற்றுகிறார். இவர் தமிழ் படங்கள் மட்டுமில்லாமல் மலையாளம், கன்னடம், தெலுங்கு, பெங்காலி மற்றும் ஹிந்தி திரைப்படங்களிலும் பணியாற்றியுள்ளார்.

நடிகர் கமல் ஹாசன் மற்றும் ரஜினி ஒரே திரைப்படங்களில் பல முறை இணைந்து நடித்துள்ளனர். 16 வயதினிலே, ஆடு புலி அட்டம் என பல திரைப்படங்களில் கமல் கதாநாயகனாகவும், ரஜினி வில்லனாகவும் நடித்துள்ளனர். பின்னர் இயக்குனர் கே.பாலசந்தரின் திரைப்படமான பைரவி (1976) படத்தில் ரஜினி ஹீரோவாக அறிமுகப்படுத்தப்பட்டார். பின்னர் ரஜினி மற்றும் கமலின் மோதல் சினிமாவில் திரைப்படங்கள் மூலம் தொடங்கியது.

விஜய் – அஜித் குமார்

1984ஆம் ஆண்டு வெற்றி திரைப்படத்தில் ஒரு குழந்தை நட்சத்திரத்தில் நடித்து தமிழ் சினிமாவில் அறிமுகமான, நடிகர் விஜய். அடுத்தடுத்து பல படங்களில் நடித்து பிரபலமாகியுள்ளார். முன்னணி கதாபாத்திரத்தில் நாயகனாக பல்வேறு திரைப்படங்களில் நடித்துள்ள விஜய், தளபதி என்ற பெயரின் மூலம் திரைப்பட ரசிகர்களால் கொண்டாடப்படுகிறார். விஜய்யின் தந்தை இயக்குனர் சந்திரசேகர் தமிழ் திரையுலகில் இவரை அறிமுகப்படுத்தியுள்ளார். பின் தனது உழைப்பின் காரணமாக இவர் இந்த சிகரத்தினை அடைந்துள்ளார். தற்போது தமிழ் சினிமாவில் அதிக சம்பளம் வாங்கக்கூடிய நடிகர் ஆவார், விஜய்.

அஜித் குமார், அமராவதி திரைப்படத்தில் நடித்து தமிழ் சினிமாவில் அறிமுகமான இவர், பல்வேறு திரைப்படங்களில் ஒரு இரண்டாம் கட்ட நடிகராக நடித்து மக்களின் கவனத்தை கவர்தவர். பல போராட்டங்கள் மற்றும் பல்வேறு விமர்சனங்களுக்கு பின்னர் தற்போது தமிழ் சினிமாவில் ஒரு குறிப்பிடப்படும் முன்னணி நடிகராக புகழ் பெற்றுள்ளார். இவர் எந்த ஒரு திரைப்பட குடும்பத்தை சார்ந்து திரையுலகில் அறிமுகமாகாமல் தனது உழைப்பின் மூலம் இந்த சிகரத்தினை அடைந்துள்ளார். இவரது திரைப்பயண தொடக்கத்தில் பல பிரச்சனைகளில் சிக்கியுள்ள இவர், பல திரைப்பட படப்பிடிப்புகளில் பல்வேறு விபத்துகளில் சிக்கி சில ஆண்டுகள் நடிக்காமல் இருந்துள்ளார். இவருக்கு திரைத்துறையினர் ‘தல’ என்ற புனைப்பெயரும், ‘அல்டிமேட் ஸ்டார்’ என்ற பட்டமும் அளித்துள்ளனர். அஜித் குமார் திரைநட்சத்திரங்கள் மற்றும் ரசிகர்களால் பெரிய அளவில் மதிக்கப்படும் ஒரு பிரபலம் ஆவார்.

1992ஆம் ஆண்டிற்கு பின்னர் தொடர்ச்சியாக விஜய் – அஜித் திரைப்படங்கள் வெளியாகின. தொடக்கத்தில் அறிமுக நடிகர்கள் மற்றும் வளர்ந்து வரும் நடிகராக அறியப்பட்ட இவர், 2000ஆம் ஆண்டில் அஜித்தின் ‘தீனா’ திரைப்படமும், விஜய்யின் ‘பிரிண்ட்ஸ்’ திரைப்படமும் வெளியாகின. இந்த இரண்டு திரைப்படமும் பிரமாண்ட வெற்றி பெற்றது. இந்த அஜித் – விஜய் நடிகர்களின் திரைப்பயணத்தில் இப்படம் ஒரு முக்கிய திரைப்படமாகும். இவர்கள் மோதல் ரசிகர்கள் மூலமாக இப்படத்தில் இருந்து தொடங்கியது.

Complete: Vijay Biography
தனுஷ் – சிலம்பரசன்

தனுஷ், தமிழ் திரையுலகில் நடிகர், இயக்குனர், பின்னணி பாடகர் என பன் முகம் கொண்டு பணியாற்றி வருகிறார். இவர் தயாரிப்பாளரும், இயக்குனரான கஸ்தூரி ராஜாவின் மகனும், இயக்குனர் செல்வராகவனின் தம்பி ஆவார். தனது தந்தையின் தயாரிப்பில் அண்ணனின் இயக்கத்தில் உருவான துள்ளுவதோ இளமை, காதல் கொண்டேன் திரைப்படத்தில் நடித்து தமிழ் சினிமாவில் அறிமுகமான இவர், தென்னிந்திய மொழி திரைப்படங்களிலும், ஹிந்தி படங்களிலும் நடித்து பிரபலமாகியுள்ளார். தனுஷ் தற்போது ஹாலிவுட் சினிமாவில் நடிக்க ஒப்பந்தமாகியுள்ளார்.

சிலம்பரசன், தமிழ் திரைப்பட முன்னணி நடிகரும், இயக்குனருமான டி ஆர் ராஜேந்திரனின் மகன் ஆவார். தமிழ் சினிமாவில் சிலம்பரசன், சிம்பு, எஸ்.டி.ஆர் என பல பெயர்களில் அறியப்படும் இவர், ஒரு முன்னணி நடிகராகவும், இயக்குனர், பாடகர், எழுத்தாளர் மற்றும் இசையமைப்பாளராக பணியாற்றி புகழ் பெற்றுள்ளார். சில காரணங்களால் ரசிகர்கள் மற்றும் திரைப்பட விமர்சகர்களுக்கு மத்தியில் பெரும் விமர்சனத்திற்கு உள்ளாக்கப்பட்ட சிலம்பரசன், தற்போது ரீ என்ட்ரி கொடுத்துள்ளார்.

தனுஷ் மற்றும் சிலம்பரசனுக்கு இடையே திரைப்படங்கள் மூலம் பலமுறை மோதல்கள் நடந்துள்ளது. இவருக்கும் இடையே நடக்கும் மோதல்கள் ஒரு ஆரோக்கியமான போட்டியாக திரைநட்சத்திரங்களால் கருதப்படுகிறது. ஏனெனில் ஒருவருக்கொருவர் தனது திரைவாழ்வை மேம்படுத்த பல நுணுக்கங்களில் முயற்சி செய்து பல துறைகளில் பணியாற்றி பிரபலமாகியுள்ளனர்.

விக்ரம் – சூர்யா

விக்ரம், தமிழ் சினிமாவில் தற்போது ஒரு முக்கிய நட்சத்திரமாக பிரபலமான இவர், தமிழ் சினிமாவில் அறிமுகமாகி பல போராட்டங்களுக்கு பின்னர் தற்போது ஒரு அங்கீகாரத்தினை பெற்றுள்ளார். இவரது திரைப்பயண அறிமுக காலத்தில் தொடர்ந்து தோல்வி படங்களில் நடித்து மிகவும் மோசமான நடிகராக விமர்சிக்கப்பட்ட விக்ரம், இயக்குனர் பாலா இயக்கத்தில் சேது, பிதாமகன் போன்ற படங்களுக்கு பின்னர் அனைவராலும் அங்கீகரிக்கப்படும் ஒரு நடிகராக பிரபலமாகி தேசிய விருதினை பெற்று புகழ் பெற்றுள்ளார். இவரது திரைப்பயணத்தில் விக்ரமின் நடிப்பிற்காக பிரபலமான ஐ, தெய்வ திருமகள், காசி போன்ற படங்கள் பிரபலமாகியுள்ளன.

சூர்யா, நடிகர் சிவகுமாரின் மூத்த மகன் ஆவார். இவரும் தமிழ் சினிமாவில் அறிமுகமான காலத்திலையே தனது நடிப்பின் மூலம் பிரபலமாகியிருந்தால் தற்போது மிகப்பெரிய புகழினை அடைதிருப்பார், ஆனால் இவரது திரைப்பயண தொடக்கத்தில் பல வகைகளில் மோசமாக விமர்சிக்கப்பட்ட சூர்யா, ஒரு இரண்டாம் கட்ட நடிகராக நடித்து பணியாற்றினார். தொடர்ந்து ஒரு சில சாதாரண திரைப்படங்களில் நடித்து வந்த சூர்யா, கஜினி, அயன், சில்லுனு ஒரு காதல் திரைப்படங்களின் மூலம் ஒரு முன்னணி முக்கிய நடிகராக தமிழ் சினிமாவில் பிரபலமாகியுள்ளார்.

நடிகர் விக்ரம் மற்றும் சூர்யா இருவரும் இவர்களது திரைப்பயண தொடக்கத்தில் மிகவும் மோசமாக விமர்சிக்கப்பட்டு தற்போது ஒரு முன்னணி நடிகர்களாக புகழ் பெற்றுள்ளனர். இருவரும் திரைக்குடும்பத்தை சேர்ந்தவர்கள் ஆவார். இவர்களுக்கிடையே நேரடி போட்டியோ, நேரடியாக திரைப்படங்கள் வெளியாகி மோதலோ என எதுவும் இல்லை, தனது வித்யாசமான நடிப்பின் மூலம் திரைப்பட ரசிகர்களை கவர்வதே இந்த போட்டியின் காரணம்.

விஜய் சேதுபதி – சிவகார்த்திகேயன்

விஜய் சேதுபதி, குணச்சித்திர நடிகராக தமிழ் சினிமாவில் அறிமுகமான இவர், திரைப்படங்களில் துணை கதாபாத்திரம், வில்லன் கதாபாத்திரம் என பல வேடங்களில் நடித்து இறுதியில் நாயகனாக தமிழ் சினிமாவில் பணியாற்றி வருகிறார். தனது எதார்த்தமான நடிப்பின் காரணமாக திரைப்பட ரசிகர்களை கவரும் இவர், ஒரு முன்னணி முக்கிய நடிகராக புகழ் பெற்றுள்ளார். ‘மக்கள் செல்வன்’ என்ற பெயரின் மூலம் தமிழ் திரையுலகில் பிரபலமான இவர், தற்போது ஹிந்தி மற்றும் தென்னிந்திய மொழி திரைப்படங்கள் என பல திரைத்துறையில் பணியாற்றுகிறார்.

சிவகார்த்திகேயன், ஒரு தனியார் தொலைக்காட்சியில் தொகுப்பாளராக பணியாற்றி பலரின் அறிமுகத்தை பெற்று, பின்னர் தமிழ் சினிமாவில் ஒரு துணை நடிகராக அறிமுகமானார். இவரின் திரைப்பயண தொடக்கத்தில் நகைச்சுவையாளராக நடித்து, பின் துணை நடிகர் மற்றும் நாயகனாக நடித்து தமிழ் சினிமா ரசிகர்களை கவர்ந்து தற்போது ஒரு முன்னணி நடிகராக புகழ் பெற்றுள்ளார். சிவகார்த்திகேயன் சொந்தமாக ஒரு தயாரிப்பு நிறுவனத்தை தொடங்கி பல படங்களை தனது தயாரிப்பு நிறுவனம் மூலம் தயாரிக்கிறார். இவர் தமிழ் திரையுலகில் நடிகர், தயாரிப்பாளர், பின்னணி பாடகர், எழுத்தாளர் என பல துறைகளில் பணியாற்றுகிறார்.

நடிகர் விஜய் சேதுபதி மற்றும் சிவகார்த்திகேயனுக்கு இடையே திரைப்பட மோதல்கள் எதுவும் இல்லை. ஆனால் இவர்கள் சமீபத்தில் தமிழ் சினிமாவில் அறிமுகமாகி தனது அசத்தலான நடிப்பின் மூலம் தமிழ் ரசிகர்களை தன் வசப்படுத்துகிறார்கள். இதனாலே இவர்கள் ஒரு போட்டியாளர்களாக தமிழ் திரைப்பட ரசிகர்களால் கருதப்படுகிறது.

Previous Post

சிறுமிக்கு பாலியல் தொல்லை – போக்ஸோ சட்டத்தில் வழக்குப் பதிந்து விசாரணை

Next Post

சட்டத்திற்கு புறம்பான மது விற்பனை – பொதுமக்கள் தெரிவிக்கலாம் –

Next Post
சட்டத்திற்கு புறம்பான மது விற்பனை –  பொதுமக்கள் தெரிவிக்கலாம் –

சட்டத்திற்கு புறம்பான மது விற்பனை - பொதுமக்கள் தெரிவிக்கலாம் -

  • 24/7 ‎செய்திகள்
  • staff
  • போலீஸ் செய்தி TV

© 2020 Policeseithi - Designed by Good Will Design - 9003710043.

No Result
View All Result
  • 24/7 ‎செய்திகள்
  • அரசியல்
  • இந்தியா
  • உலகம்
  • தமிழகம்
  • முக்கிய செய்திகள்
  • போலீஸ் செய்தி TV
  • குற்றம்
  • போலீஸ் இடமாற்றம்

© 2020 Policeseithi - Designed by Good Will Design - 9003710043.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In