நாகப்பட்டினம்; மாவட்ட ஆட்சியர் அலுவலகத்தில்; வாராந்திர மக்கள் குறைதீர்க்கும் நாள் கூட்டம் மாவட்ட ஆட்சித்தலைவர் அ.அருண்தம்புராஜ் தலைமையில் இன்று நடைபெற்றது.
நாகப்பட்டினம் அக்டோபர் 17
நாகப்பட்டினம் மாவட்ட ஆட்சியர் அலுவலகத்தில்மக்கள் குறைதீர்;க்கும் நாள் கூட்டம் மாவட்ட ஆட்சித்தலைவர் அ.அருண்தம்புராஜ் தலைமையில் இன்று நடைபெற்றது.
வாராந்திர மக்கள் குறைதீர்க்கும் நாள் கூட்டத்தில் வங்கிக் கடன் மற்றும் உதவித்தொகை, குடும்ப அட்டை, வேலைவாய்ப்பு, கல்வி உதவித் தொகை உள்ளிட்ட பல்வேறு கோரிக்கைகளை முன் வைத்து மொத்தம் 124 மனுக்கள் பெறப்பட்டுள்ளது. பெறப்பட்ட மனுக்கள் மீது விரைந்து நடவடிக்கை மேற்கொள்ள சம்பந்தப்பட்ட அலுவலர்களுக்கு மாவட்ட ஆட்சித்தலைவர் அவர்கள் அறிவுறுத்தினார்.அதனைத்தொடர்ந்து வாராந்திர மக்கள் குறைதீர்க்கும் நாள் கூட்டத்தில் திருக்குவளை வட்டம், அய்யனார் கோவில் தெரு, நத்தப்பள்ளம் என்ற முகவரியை சேர்ந்த இந்திரா வடிவழகன் என்பவருக்கு சுயதொழில் செய்வதற்காக மாவட்ட ஆட்சியர் தன்விருப்ப நிதியிலிருந்து ரூ.7,200 மதிப்பீட்டில் தையல் இயந்திரத்தையும், மாற்றுத்திறனாளிகள் நலத்துறை சார்பில் கொட்டாரக்குடி கிராமத்தை சேர்ந்த செல்வராணி என்ற மாற்றுத்திறனாளிக்கு ரூ.10,000 மதிப்பீட்டில் மடக்கு சக்கர நாற்காலியினை வேதாரண்யம் வட்டம், சுப்ரமணியன்காடு, தகட்டூர் கிராமத்தை சேர்ந்த சுப்ரமணியன் த/பெ நடேசன் என்பவர் சவுதி அரேபியா நாட்டில் இறந்ததற்காக தமிழக அரசிடமிருந்து வரப்பெற்ற இழப்பீடுத்தொகை ரூ.24,691-க்கான காசோலையினை அவரது மனைவி ரேவதி என்பவரிடமும் மாவட்ட ஆட்சித்தலைவர் வழங்கினார்.
இக்கூட்டத்தில் மாவட்ட வருவாய் அலுவலர் வி.ஷகிலா, சமூக பாதுகாப்பு துணை ஆட்சியர் கு.ராஜன், மாவட்ட ஆட்சியர் நேர்முக உதவியாளர் (பொது) ராமன், செய்தி மக்கள் தொடர்பு அலுவலர் மீ. செல்வகுமார் மற்றும்; அரசு அலுவலர்கள்; கலந்து கொண்டனர்.
போலீஸ் செய்தி டிவிக்காக நாகை மாவட்ட செய்தியாளர் எல்விஸ் லாய் மச்சோடா.
