தூத்துக்குடி,அக்,17
தூத்துக்குடியில் தமிழ்நாடு அரசு பொது நூலகத்துறை சார்பில் தூத்துக்குடி மாவட்ட நூலக அலுவலகம் சார்பில்
இராஜாராம் மோகன்ராய் 250 வது பிறந்தநாளை முன்னிட்டு பெண்கள் மேம்பாடு குறித்த பள்ளி மாணவர்களின் விழிப்புணர்வு பேரணி டூவிபுரம் மாவட்ட நூலக அலுவலகம் முன்பு இருந்து நடைபெற்றது. இந்த நிகழ்ச்சிக்கு மாவட்ட நூலக அலுவலர் மீனாட்சி சுந்தரம் தலைமை வகித்தார். மாநகராட்சி மேயர் ஜெகன் பெரியசாமி விழிப்புணர்வு பேரணியை கொடியசைத்து துவக்கி வைத்தார். முக்கிய சாலைகள் வழியாக சென்ற 250 மாணவிகளின் விழிப்புணர்வு பேரணி மாவட்ட கல்வி அலுவலகத்தை சென்றடைந்தது. பெண்கள் மேம்பாடு குறித்து பள்ளி மாணவிகள் பல்வேறு தலைப்புகளில் நடைபெற்ற பேச்சுபோட்டியில் சாதி ஓழிப்பு தலைப்பில் செல்வி ரோகிணி பெண்களுக்கு சொத்துரிமை செல்வி இசக்கியம்மாள் விதவை மறுமணம் செல்வி பிரியதர்ஷினி, பெண்கல்வி செல்வி சுவீகா குழந்தை திருமணம் தடை வைஷ்ணவி பேசினார்கள். விழிப்புணர்வு பேரணியை மாவட்ட முதன்மை கல்வி அலுவலர் நிறைவு செய்து பள்ளி மாணவியர்களுக்கு மாவட்ட முதன்மை கல்வி அலுவலர் பாலதண்டாயுதபாணி பரிசு வழங்கினார்.
நிகழ்ச்சியில் மேயர் நேர்முக உதவியாளர் ரமேஷ், மற்றும் ஜோஸ்பர், இருதயராஜ், பல்வேறு பள்ளிகளில் உதவி தலைமை ஆசிரியர்கள் ஆசிரியர்கள் மாவட்ட நூலக பணியாளர்கள் உள்பட பலர் கலந்து கொண்டனர்.
