தமிழகம் முழுவதும் 54 ஐபிஎஸ் அதிகாரிகள் மாற்றம்

தமிழகம் முழுவதும் 54 ஐபிஎஸ் அதிகாரிகளை அதிரடியாக மாற்றம் செய்து தமிழக அரசு உத்தரவிட்டுள்ளது.

இது தொடர்பாக தமிழக அரசின் கூடுதல் முதன்மை செயலாளர் பிரபாகர் வெளியிட்டுள்ள உத்தரவு விவரம்:–

பொருளாதாரக்குற்றப்பிரிவு ஐஜி கணேசமூர்த்தி சிலைக்கடத்தல் தடுப்புப்பிரிவு ஐஜியாக மாற்றப்பட்டுள்ளார். சிலைக்கடத்தல் தடுப்புப்பிரிவு ஐஜி அன்பு நெல்லை போலீஸ் கமிஷனராகவும், நெல்லை போலீஸ் கமிஷனர் தீபக் தாமோர் தமிழ்நாடு சீருடைப்பணியாளர் தேர்வாணைய ஐஜியாகவும், அங்கு ஐஜியாக இருந்த வித்யா குல்கர்னி சென்னை மத்திய குற்றப்பிரிவு கூடுதல் கமிஷனராகவும் நியமிக்கப்பட்டுள்ளனர். மத்தியக் குற்றப்பிரிவு கூடுதல் கமிஷனர் தேன்மொழி சிபிசிஐடி ஐஜியாகவும், அங்கிருந்த சங்கர், வடக்கு மண்டல ஐஜியாகவும், பொதுப்பிரிவு காவல்துறை ஐஜி பவானீஸ்வரி சென்னை நகர போக்குவரத்து கூடுதல் கமிஷனராகவும் மாற்றப்பட்டுள்ளனர். போக்குவரத்து போலீஸ் கூடுதல் கமிஷனர் கண்ணன், சென்னை நகர சட்டம் ஒழுங்கு (தெற்கு) கூடுதல் கமிஷனராகவும், கோவை ஐஜி பெரியய்யா சென்னைநகர பொதுப்பிரிவு ஐஜியாகவும், சென்னை நகர தெற்கு கூடுதல் கமிஷனர் தினகரன் மேற்கு மண்டல ஐஜியாகவும், நிர்வாகப்பிரிவு ஐஜி சந்தோஷ்குமார் சேலம் போலீஸ் கமிஷனராகவும், அங்கு பதவியில் இருந்த செந்தில்குமார் சென்னை நகர வடக்கு மண்டல கூடுதல் கமிஷனராகவும், சென்னை வடக்கு கூடுதல் கமிஷனர் அருண் நிர்வாகப்பிரிவு ஐஜியாகவும் அமர்த்தப்பட்டுள்ளனர்.

ஆயுதப்படை டிஐஜி ராஜேஷ்வரி சென்னை மேற்கு மண்டல இணைக்கமிஷனராகவும், அங்கிருந்நத மகேஷ்வரி தலைமையிட டிஐஜியாகவும், தலைமையிட டிஐஜி செந்தில்குமாரி தென்சென்னை போக்குவரத்துப்பிரிவு இணைக்கமிஷனராகவும், அங்கிருந்த
லட்சுமி தென் சென்னை சட்டம், ஒழுங்கு இணைக்கமிஷனராகவும், தென்சென்னை போக்குவரத்துப் போலீஸ் இணைக்கமிஷனர் பாபு நிர்வாகப்பிரிவு டிஐஜியாகவும், அங்கிருந்து துரைக்குமார் சென்னை வடக்கு மண்டல இணைக்கமிஷனராகவும், வடக்கு மண்டல இணைக்கமிஷனர் பாலகிருஷ்ணன் சென்னை நகர கிழக்கு மண்டல இணைக்கமிஷனராகவும், அங்கிருந்த சுதாகர் மதுரை டிஐஜியாகவும் மாற்றப்பட்டுள்ளனர். மதுரை டிஐஜி ராஜேந்திரன் உள்நாட்டுப்பாதுகாப்புப்பிரிவு டிஐஜியாகவும், சென்னை நகர போக்குவரத்துப் போலீஸ் (வடக்கு) இணைக்கமிஷனர் பாண்டியன் விழுப்புரம் டிஐஜியாகவும், அங்கிருந்த எஜிலியரசன் சென்னை வடக்கு மண்டல போக்குவரத்து இணைக்கமிஷனராகவும் நியமிக்கப்பட்டுள்ளனர்.

சென்னை வடக்கு போக்குவரத்து துணைக்கமிஷனர் கிருஷ்ணராஜ் நெல்லை எஸ்பியாகவும், நெல்லை எஸ்பி மணிவண்ணன், துாத்துக்குடி எஸ்பியாகவும் மாற்றப்பட்டுள்ளனர். துாத்துக்குடி எஸ்பி ஜெயக்குமார் பூந்தமல்லி 13வது பட்டாலியன் எஸ்பியாகவும், அங்கிருந்த பாஸ்கரன் அரியலுார் எஸ்பியாகவும், அரியலுார் எஸ்பி சீனிவாசன் நெல்லை சட்டம் ஒழுங்கு துணைக்கமிஷனராகவும், அங்கிருந்த சரவணன் துாத்துக்குடி பேரூரணி போலீஸ் பயிற்சிப் பள்ளி எஸ்பியாகவும், அங்கிருந்த ராமகிருஷ்ணன் சென்னை ஐகோர்ட் மானிடரிங் வழக்குகள் பிரிவு எஸ்பியாகவும், ராணிப்பேட்டை எஸ்பி மயில்வாகனன். கோவை தலைமையிட துணைக்கமிஷனராகவும், அந்த பதவியில் இருந்த குணசேகரன் சேலம் அமலாக்கப்பிரிவு எஸ்பியாகவும், சேலம் அமலாக்கப்பிரிவு எஸ்பி சிவக்குமார் ராணிப்பேட்டை எஸ்பியாகவும், வணிக குற்றப்புலனாய்வுப்பிரிவு எஸ்பி பாண்டியராஜன் நீலகிரி எஸ்பியாகவும், நீலகிரி எஸ்பி சசிமோகன் கீழ்ப்பாக்கம் துணைக்கமிஷனராகவும், கீழ்ப்பாக்கம் துணைக்கமிஷனர் அதிவீரபாண்டியன் சென்னை கமிஷனர் அலுவலக தலைமையிட துணைக்கமிஷனராகவும் நியமிக்கப்பட்டுள்ளனர். இவ்வாறு அந்த அறிவிப்பில் கூறப்பட்டுள்ளது.

மேலும் தலைமையிட துணைக்கமிஷனர் ராஜசேகரன், மதுரை குற்றப்பிரிவு துணைக்கமிஷனராகவும், அங்கிருந்த பழனிகுமார் சென்னை ரயில்வே எஸ்பியாகவும், அங்கிருந்த ராஜன் திருச்சி மாவட்ட எஸ்பியாகவும், திருச்சி எஸ்பி ஜெயச்சந்திரன் மதுரை
அமலாக்கப்பிரிவு எஸ்பியாகவும், மதுரை அமலாக்கப்பிரிவு எஸ்பி ராஜராஜன் சிவகங்கை மாவட்ட எஸ்பியாகவும், சிவகங்கை எஸ்பி ரோகித்நாதன் ராஜகோபால் சென்னை ஆவின் விஜிலென்ஸ் தலைமை கண்காணிப்பாளராகவும், சென்னை பாதுகாப்புப்பிரிவு துணைக்கமிஷனர் அசோக்குமார் சென்னை மெரைன் அமலாக்கப்பிரிவு எஸ்பியாகவும், அங்கிருந்த மகேஷ்வரன் கரூர் எஸ்பியாகவும், கரூர் எஸ்பி பகலவன் சென்னை திருவல்லிக்கேணி துணைக்கமிஷனராகவும், கியூ பிராஞ்ச் எஸ்பி மகேஷ் அம்பத்துார் துணைக்கமிஷனராகவும், அம்பத்துார் துணைக்கமிஷனர் தீபா சத்யன் சென்னை நகர போக்குவரத்து (தெற்கு) துணைக்கமிஷனராகவும், அங்கிருந்த குமார் அமலாக்கப்பிரிவு எஸ்பியாகவும், அமலாக்கப்பிரிவு எஸ்பி வந்திதா பாண்டே சென்னை  பொருளாதாரக்குற்றப்பிரிவு எஸ்பியாகவும், அங்கிருந்த மீனா சென்னை மத்திய குற்றப்பிரிவு 3 துணைக்கமிஷனராகவும், மத்திய குற்றப்பிரிவு துணைக்கமிஷனர் கண்ணம்மாள் கியூ பிராஞ்ச் எஸ்பியாகவும் மாற்றப்பட்டுள்ளனர்.

மேலும் மாமல்லபுரம் உதவி போலீஸ் சூப்பிரண்டு சுந்தரவதனம் எஸ்பியாக பதவி உயர்த்தப்பட்டு சென்னை போக்குவரத்து வடக்கு துணைக்கமிஷனராகவும், தமிழ்நாடு போலீஸ் அகாடமி கூடுதல் எஸ்பி சங்கரன் எஸ்பியாக பதவி உயர்த்தப்பட்டு சென்னை நகர பாதுகாப்புப்பிரிவு துணைக்கமிஷனராக மாற்றப்பட்டுள்ளார்.