தூத்துக்குடி மாவட்ட காவலர் கூட்டுறவு சிக்கன நாணய சங்கத்தின் மகா சபை கூட்டத்தில் எஸ்பி ஜெயக்குமார் காவல்துறையினருக்கு பங்கு ஈவுத்தொகை மற்றும் பரிசு வழங்கினார்.
தூத்துக்குடி மாவட்ட காவலர் கூட்டுறவு சிக்கன நாணய சங்கத்தின் கூட்டம் இன்று (26.10.2021) தூத்துக்குடி மாவட்ட காவல்துறை அலுவலத்தில் நடைபெற்றது. இக்கூட்டத்தில் காவலர் கூட்டுறவு சிக்கன நாணய சங்கத்தின் 2020-2021ம் ஆண்டின் இறுதி தணிக்கை அறிக்கை வாசித்து பதிவு செய்தல், நிகர லாபம் பிரிவினை செய்தல், 2021-2022, 2023ம் ஆண்டுக்கான உத்தேச வரவு செலவுத்திட்டம் அங்கீகாரம் செய்தல், தலைவர் மற்றும் பேரவை உறுப்பினர்களின் கோரிக்கைகளை பரிசீலனை செய்தல் போன்ற நடவடிக்கைகள் நடைபெற்றது.
இக்கூட்டத்தில் லூர்த்தவாஸ் வரவேற்புரை ஆற்றினார். விபர அறிக்கையை செயலாளர் ரமேஷ், தலைவர் உரையை தலைவர் ரவிச்சந்திரன், நன்றியுரையை நிர்வாகஸ்தர் துரைப்பாண்டி ஆகியோர் உரையாற்றினர். இக்கூட்டத்தில் தூத்துக்குடி மாவட்ட காவல் கண்காணிப்பாளர் எஸ். ஜெயக்குமார் சிறப்பு விருந்தினராக கலந்து கொண்டு காவலர் சிக்கன நாணய சங்க உறுப்பினர்களுக்கு பங்கு ஈவுத்தொகையும், நினைவுப்பரிசும் வழங்கினார். விழாவில் தூத்துக்குடி தலைமையிட காவல்துறை கூடுதல் கண்காணிப்பாளர் கார்த்திகேயன், ஆயுதப்படை துணை கண்காணிப்பாளர் கண்ணபிரான், மாவட்ட தனிப்பிரிவு காவல் ஆய்வாளர் பேச்சிமுத்து மற்றும் கணக்காளர் மாரிப்பாண்டி மற்றும் சங்க உறுப்பினர்கள் பலர் உடனிருந்தனர்.
