நாகை மாவட்டம் தொடங்கி 30 ஆண்டு தொடக்கத்தை முன்னிட்டு சைக்கிள் பேரணி – நாகை மாவட்ட ஆட்சியர் தொடங்கி வைத்தார்.
ஒருங்கிணைந்த தஞ்சாவூர் மாவட்டத்தில் இருந்து பிரிந்த நாகப்பட்டினத்தை தலைமையிடமாகக் கொண்டு நாகப்பட்டிணம் மாவட்டம் உருவானது. நாகப்பட்டிணம் மாவட்டம் தொடங்கி 29 ஆண்டுகள் நிறைவுற்று 30வது ஆண்டு தொடக்கத்தை முன்னிட்டு விழா நடைபெறுகிறது . 30 ஆண்டு தொடக்கவிழாவில் ஒரு பகுதியாக இன்று வேதாரண்யம் ராஜாஜி பூங்காவிலிருந்து தனியார் பொறியியல் கல்லூரி மாணவர்கள் சைக்கிள் பேரணியாக கோடியக்கரை வன உயிரின சரணாலயம் வரை வந்தனர். 75 மாணவர்கள் வந்த சைக்கிள் பேரணியை நாகை மாவட்ட ஆட்சித்தலைவர் முனைவர் அருண் தம்புராஜ் கொடியசைத்து தொடக்கி வைத்தார்.
இதில் வருவாய் கோட்டாட்சியர் துரைமுருகன், வட்டாட்சியர் ரவிச்சந்திரன் , தலைமையிடத்து துணை வட்டாட்சியர் ஜெயசீலன், மண்டல துணை வட்டாட்சியர் சுமதி, வட்டார வளர்ச்சி அலுவலர்கள் பாஸ்கரன், ராமலிங்கம் , வனச் சரக அலுவலர் அயூப் கான் மற்றும் லயன்ஸ் சங்க நிர்வாகிகள் ரவிச்சந்திரன், பாஸ்கர், சுரேஷ், கண்ணுசாமி உள்ளிட்ட ஏராளமானோர் கலந்து கொண்டனர் .நிகழ்ச்சியின் இறுதியில் நாகை மாவட்ட விளையாட்டு அலுவலர் ராஜா நன்றி கூறினார்.
செய்தி தொகுப்பு” Dr எல்விஸ் லாய் மச்சோடா
நாகை மாவட்ட செய்தியாளர்.
