தூத்துக்குடி மாவட்ட நீதிமன்ற வளாகத்தில் புகைப்பட கண்காட்சி; தேசிய சட்டப்பணிகள் ஆணைக்குழு மற்றும் தமிழ்நாடு மாநில சட்டப்பணிகள் ஆணைக்குழுவின் உத்தரவின் அடிப்படையில் தூத்துக்குடி மாவட்டத்தில் 08.10.2021 அன்று மாவட்ட சட்டப்பணிகள் ஆணைக்குழு சார்பில் புகைப்பட கண்காட்சி தூத்துக்குடி மாவட்ட நீதிமன்ற வளாகத்தில் தொடங்கப்பட்டது. மேற்படி கண்காட்சியில் மாண்புமிகு தூத்துக்குடி முதன்மை மாவட்ட நீதிபதி /தலைவர், திருமதி.S.சுமதி,M.L., மாவட்ட சட்டப்பணிகள் ஆணைக்குழு, தூத்துக்குடி அவர்கள் தலைமை தாங்கினார்.
தூத்துக்குடி மாவட்ட காவல்துறை கண்காணிப்பாளர் திரு.ஜெயக்குமார், IPS மற்றும் தூத்துக்குடி மாவட்ட வருவாய்த்துறை அலுவலர் ஆகியோர் முன்னிலை வகித்தனர். மேற்படி புகைப்பட கண்காட்சியில் கூடுதல் மாவட்ட நீதிபதிகள், தலைமை நீதித்துறை நடுவர், நீதித்துறை நடுவர்கள், ஏனைய நீதிபதிகள், வழக்கறிஞர்கள், நீதிமன்ற ஊழியர்கள், காவல்துறை அதிகாரிகள், பொதுமக்கள் ஆகியோர் கலந்து கொண்டனர்.
முன்னதாக கூடுதல் மாவட்ட நீதிபதி திருமதி.S.உமா மகேஸ்வரி,M.L., வரவேற்புரை நிகழ்த்தினார். மேற்படி புகைப்பட கண்காட்சியை தூத்துக்குடி மாவட்ட சட்டப்பணிகள் ஆணைக்குழுவின் செயலாளர் /சார்பு நீதிபதி திருமதி.M.பிரீத்தா, M.L., அவர்கள் செய்திருந்தார்கள்.
