தூத்துக்குடியில் கொரோனா விழிப்புணர்வு வாரத்தினை முன்னிட்டு நடைபெற்ற விழிப்புணர்வு சைக்கிள் பேரணியை அமைச்சர் பெ.கீதாஜீவன் கொடியசைத்து துவக்கி வைத்தார்.
தூத்துக்குடி மாநகராட்சி அலுவலகத்தில் கரோனா விழிப்புணர்வு வாரத்தினை முன்னிட்டு கொரோனா விழிப்புணர்வு ஏற்படுத்தும் வகையில் சைக்கிள் பேரணி நிகழ்ச்சியில் இன்று (05.08.2021) சமூக நலன் – மகளிர் உரிமை துறை அமைச்சர் பெ.கீதாஜீவன் கலந்து கொண்டு சைக்கிள் பேரணியை கொடியசைத்து துவக்கி வைத்தார்கள். இந்நிககழ்ச்சியில் மாவட்ட ஆட்சியர் செந்தில்ராஜ், மாவட்ட காவல் கண்காணிப்பாளர் ஜெயக்குமார், மாநகராட்சி ஆணையர் சாருஸ்ரீ உள்ளிட்டோர் பங்கேற்றனர்.
இந்நிகழ்ச்சியில் அமைச்சர் பெ.கீதாஜீவன் தெரிவித்ததாவது: பொது மக்கள் அனைவரும் தடுப்பூசி போட்டுக்கொள்ள வேண்டும். பொது இடங்களில் முகக் கவசம் அணிய வேண்டும், சமூக இடைவெளியை கடைபிடிக்க வேண்டும். கைகளை சுத்தமாக கழுவ வேண்டும். சானிடைசர் பயன்படுத்த வேண்டும். இதன் மூலம் கரோனாவில் இருந்து தங்களை பாதுகாத்துக் கொள்ள வேண்டும் என தெரிவித்தார்.
பேரணி மாநகராட்சி அலுவலகத்தில் இருந்து, முத்துநகர் கடற்கரை வரை நடைபெற்றது. இதில், மாவட்ட ஊரக வளர்ச்சி முகமை திட்ட இயக்குநர் / கூடுதல் ஆட்சியர் சரவணன், மாவட்ட வன அலுவலர் அபிசேக் டோமர், மாவட்ட வருவாய் அலுவலர் கண்ணபிரான், உதவி ஆட்சியர்(பயிற்சி) ஸ்ருதயஞ் ஜெய் நாராயணன், மாநகராட்சி அலுவலர்கள் மாநகர நல அலுவலர் வித்யா, மாநகராட்சி செயற்பொறியாளர் சேர்மக்கனி மற்றும் மாநகராட்சி அலுவலர்கள் கலந்து கொண்டனர்.
