போலி கொரோனா சான்றிதழ் மூலம் கேரளாவில் இருந்து தமிழகம் வந்த ஐந்து நபர்கள் கைது செய்து சிறையில் அடைக்கப்பட்டனர்.
தென்காசி மாவட்டம் புளியரை காவல் நிலைய எல்லைக்குட்பட்ட புளியரை சோதனைச் சாவடியில் சுகாதார ஆய்வாளரான சரவண குமார் என்பவர் பணியில் இருந்தபோது கேரளாவில் இருந்து தமிழகம் வந்த காரை நிறுத்தி அவர்களின் கொரோனா பரிசோதனை சான்றிதழை சோதனை செய்தார். அப்போது அச்சான்றிதழ் போலி என தெரியவந்தது. இதுகுறித்து புளியரை மருத்துவ அலுவலர் மோதி புளியரை காவல் நிலையத்தில் புகார் கொடுத்தார்.
அதன்பேரில் காவல் ஆய்வாளர் பாலமுருகன் விசாரணை செய்ததில் புளியரை பகவதிபுரத்தைச் சேர்ந்த சுப்பிரமணியன் என்பவரது மகன் சரவணமகேஸ் (37) என்பவர் போலி கொரோனா சான்றிதழ்களை தயார் செய்து கொடுத்தது தெரியவந்தது. இதுகுறித்து போலி சான்றிதழ்கள் மூலம் பயணம் செய்த கோவையைச் சேர்ந்த சுந்தரபாண்டியன் என்பவரின் மகன்கள் இசக்கிமுத்து (29),ரமேஷ்(25),தெற்கு வீரவநல்லூரைச் சேர்ந்த கண்ணன் என்பவரின் மகன் முகேஷ் (22), திருச்சியைச் சேர்ந்த பழனிச்சாமி என்பவரின் மகன் சந்தோஷ் (24),
மற்றும் இவர்களுக்கு போலி சான்றிதழ்களை தயார் செய்து கொடுத்த பகவதி புரத்தைச் சேர்ந்த சுப்பிரமணியன் என்பவரின் மகன் சரவணமகேஸ் (37) ஆகியோர் மீது வழக்குப் பதிவு செய்யப்பட்டு அவர்களை காவல் ஆய்வாளர் கைது செய்து சிறையில் அடைத்தார்.
