தூத்துக்குடி மாவட்டம் ஸ்ரீவைகுண்டம் பகுதியில் சட்டம் விழிப்புணர்வு இயக்கம் சார்பாக ஸ்ரீவைகுண்டம் பேரூராட்சி பகுதியில் வசிக்கும் 50 தூய்மை பணியாளர்களுக்கு மதிய உணவு பொட்டலங்களை ஸ்ரீவைகுண்டம் பேரூராட்சி அலுவலகம் முன்பு இன்று மாவட்ட காவல் கண்காணிப்பாளர் திரு. எஸ். ஜெயக்குமார் அவர்கள் வழங்கினார்.
தூத்துக்குடி மாவட்டம் ஸ்ரீவைகுண்டம் பேரூராட்சி அலுவலகம் முன்பு சட்டம் விழிப்புணர்வு இயக்கம் சார்பாக தூய்மை பணியாளர்கள் 50 பேருக்கு மதிய உணவு பொட்டலங்கள் வழங்க ஏற்பாடு செய்யப்பட்டிருந்தது. அதன்படி மாவட்ட காவல் கண்காணிப்பாளர் திரு. எஸ். ஜெயக்குமார் அவர்கள் சிறப்பு விருந்தினராக கலந்து கொண்டு உணவு தூய்மை பணியாளர்களுக்கு உணவு பொட்டலங்கள் வழங்கி விழிப்புணர்வு ஏற்படுத்தினார்.
இதற்கான ஏற்பாடுகளை சட்டம் விழிப்புணர்வு இயக்க தலைவர் மற்றும் நிறுவனர் வழக்கறிஞர் திரு. ஜார்ஜ் பிலிஜின் மற்றும் செயலாளர் திரு. ராஜ் உடையார் ஆகியோர் செய்திருந்தனர்.
இந்நிகழ்ச்சியில் ஸ்ரீவைகுண்டம் காவல் துணை கண்காணிப்பாளர் திரு. வெங்கடேசன் உட்பட காவல்துறையினர் பலர் கலந்து கொண்டனர்.
