தூத்துக்குடி, நவ, 13
தூத்துக்குடி ஸ்டெர்லைட் ஆலைக்கு எதிரான போராட்டத்தின்
போது நடைபெற்ற துப்பாக்கிச்சூட்டில் பாதிக்கப்பட்ட குடும்பத்தினரின் கோரிக்கையை ஏற்று, ரூ.5.25 கோடி கூடுதல் நிவாரண நிதி வழங்க முதலமைச்சர் சி. ஜோசப் விஜய் உத்தரவிட்டுள்ளார்.
தூத்துக்குடி ஸ்டெர்லைட் ஆலைக்கு எதிரான போராட்டத்தின்
போது நடைபெற்ற துப்பாக்கிச்சூட்டில் பாதிக்கப்பட்ட குடும்பத்தினரின் கோரிக்கையை ஏற்று, ரூ.5.25 கோடி கூடுதல் நிவாரண நிதி வழங்க முதலமைச்சர் சி. ஜோசப் விஜய் உத்தரவிட்டுள்ளார்.

கடந்த 2018-ம் ஆண்டு மே 22, 23 ஆகிய தேதிகளில் நடைபெற்ற ஸ்டெர்லைட் எதிர்ப்புப் போராட்டத்தின்போது உயிரிழந்த 13 பேரின் குடும்பங்களுக்கு ஏற்கெனவே தலா ரூ.25 லட்சம் நிவாரணம் வழங்கப்பட்டது. அதேபோல், கொடுங்காயமடைந்த 40 பேருக்கு தலா ரூ.5 லட்சம் வழங்கப்பட்டது.
இந்நிலையில், பாதிக்கப்பட்ட குடும்பத்தினர் கூடுதல் நிவாரணம் வழங்கக் கோரி முதலமைச்சரிடம் கோரிக்கை விடுத்தனர். இதனைப் பரிசீலித்த முதலமைச்சர், நீதியரசர் அருணா ஜெகதீசன் ஆணையத்தின்
பரிந்துரையின்படி கூடுதல் நிவாரணம் வழங்க உத்தரவிட்டுள்ளார்.
இதன்படி, உயிரிழந்த 13 பேரின் குடும்பங்களுக்கு ஏற்கெனவே வழங்கிய தொகையுடன் கூடுதலாக தலா ரூ.25 லட்சம் வீதம் மொத்தம் ரூ.3.25 கோடியும், கொடுங்காயமடைந்த 40 பேருக்கு கூடுதலாக தலா ரூ.5 லட்சம் வீதம் மொத்தம் ரூ.2 கோடியும் வழங்கப்பட உள்ளது. மொத்தமாக ரூ.5.25 கோடி கூடுதல் நிவாரண நிதி வழங்கப்படவுள்ளது.
தமிழக முதல்வருக்கு அருணா தேவி ரமேஷ் பாண்டியன் நன்றி!
முதலமைச்சரின் இந்த அறிவிப்புக்கு வழக்கறிஞரும், ‘நம் நாடு நம் மக்கள் நம் எதிர்காலம்’ கட்சியின் பொதுச் செயலாளருமான அருணா தேவி ரமேஷ் பாண்டியன் நன்றி தெரிவித்துள்ளார். பாதிக்கப்பட்ட குடும்பத்தினரின் கோரிக்கையை ஏற்று, கூடுதல் நிவாரண நிதி வழங்க உத்தரவிட்ட முதலமைச்சருக்கு தனது நன்றியைத் தெரிவித்துக் கொண்டார்.

