தூத்துக்குடி கோரம்பள்ளம் அய்யனடைப்பு ஸ்ரீசித்தர் நகரில் ஸ்ரீமஹா பிரத்தியங்கிராதேவி-காலபைரவர் சித்தர் பீடம் அமைந்துள்ளது.
இங்கு தென்தமிழகத்தில் வேறு எங்கும் இல்லாத தனிச்சிறப்பாக ஸ்ரீமஹா பிரத்தியங்கிராதேவி மிகப்பிரம்மாண்டமாக எழுந்தருளி பக்தர்களுக்கு அருள்பாலித்து வருகிறார்.
பிரத்தியங்கிராதேவிக்கு, மாதம்தோறும் அமாவாசை, பவுர்ணமி நாட்களில் சிறப்பு வழிபாடுகள் நடத்தப்பட்டு வருகிறது. இவ்வழிபாட்டில் பங்கேற்று மஹா பிரத்தியங்கிராதேவியை வணங்கினால் வேண்டும் வரம் யாவும் கிடைக்கும் என்பது ஐதீகமாகும்.
இதன்படி, கார்த்திகை மாத அமாவாசையை முன்னிட்டு வரும் 19ம்தேதி (புதன்கிழமை) பக்தர்களின் வாழ்வில் கடன்தொல்லைகள் யாவும் நீங்கி செல்வம் பெருகிடவேண்டி மஹா பிரத்தியங்கிராதேவிக்கு மிளகாய் வற்றல் மஹா யாகம் ஸ்ரீசித்தர் பீடத்தின் சுவாமிகள் சாக்தஸ்ரீ சற்குரு சீனிவாச சித்தர் தலைமையில் நடக்கிறது.
அன்று காலை 10மணிக்கு கணபதி ஹோமத்துடன் வழிபாடுகள் தொடங்குகிறது. பகல் 11மணிக்கு, பிரத்தியங்கிராதேவிக்கு மஞ்சள், பால், தயிர், பன்னீர், இளநீர் அபிஷேகம் நடக்கிறது.
அதனைத்தொடர்ந்து, மதியம் 12.30மணிக்குமேல் பக்தர்கள் வாழ்வில் கடன்தொல்லைகள், எதிரித்தொல்லைகள் யாவும் நீங்கிடவும், திருமண வரம், குழந்தை பாக்யம் கிடைத்திடவும், நல்ல வேலை கிடைத்திடவும், இல்லத்தில் செல்வங்கள் பெருகிடவும் வேண்டி ஸ்ரீமஹா பிரத்தியங்கிராதேவிக்கு மிளகாய் வற்றல் கொண்டு மஹா யாகத்துடன் சிறப்பு வழிபாடுகள் நடக்கிறது.
தொடர்ந்து, மஹா காலபைரவருக்கும், மஹா பிரத்தியங்கிராதேவிக்கும் சிறப்பு அலங்காரத்துடன் தீபாராதனையும், முடிவில், பக்தர்களுக்கு மகா அன்னதானமும் வழங்கப்படுகிறது.
மஹா யாகத்திற்கான ஏற்பாடுகளை சாக்தஸ்ரீ சற்குரு சீனிவாச சித்தர் தலைமையில் பக்தர்கள் செய்து வருகின்றனர்.
