தூத்துக்குடி.
திமுக தலைவரும் தமிழக முதலமைச்சருமான மு.க.ஸ்டாலின் உத்திரவிற்கிணங்க நகராட்சி நிர்வாகம் மற்றும் குடிநீர் வழங்கல் துறை சார்பில் தூத்துக்குடி மாநகராட்சி பகுதியில் உள்ள 60 வார்டுகளிலும் சிறப்பு கூட்டம் நடைபெற்றது.
3வது வார்டுக்குட்பட்ட ஹவுசிங் போர்டு காலனி, மாநகராட்சி கலியா லாவோ பூங்காவில் நடைபெற்ற கூட்டத்திற்கு மேயர் ஜெகன் பெரியசாமி தலைமை வகித்தார். ஆணையர் ப்ரியங்கா முன்னிலை வகித்தார். மாநகராட்சி கணக்கு குழுத் தலைவர் ரெங்கசாமி வரவேற்புரையாற்றினார். பொதுமக்கள் தங்களது பகுதிகளில் நிறைவேற்றிய பணிகளுக்கு நன்றி தெரிவித்தும், தங்களது பகுதிகளுக்கு தேவையான திட்டங்கள் குறித்து கோரிக்கை மனுக்கள் வழங்கினார்கள்.
மாநகராட்சி பணிகள் மற்றும் நடைமுறைகள் குறித்து பொதுமக்களிடம் எடுத்துரைத்த பின்னர் மேயர் ஜெகன் பெரியசாமி பேசுகையில்: கடந்த பத்தாண்டு அதிமுக ஆட்சியில் நீங்கள் அலைந்தும் கோரிக்கை நிறைவேறவில்லை. நான்கு ஆண்டு திராவிட மாடல் ஆட்சியில் உடனுக்குடன் கோரிக்கை நிறைவேற்றப்பட்டு உங்கள் வீடு தேடி வருகிறோம்.
இந்தப் பகுதி முன்பு சங்கரபேரி பஞ்சாயத்தாக இருந்தது. 2008 ஆம் ஆண்டு மாநகராட்சியில் இணைக்கப்பட்டது. ஆரம்பத்தில் சாலைகள் மோசமாக இருந்தது. சாலைகள் எல்லாம் தற்போது 4 அடி உயர்த்தப்பட்டு தரமான சாலை அமைக்கப்பட்டுள்ளது. பாதாள சாக்கடை பணி நடைபெற்று வருகிறது. கடந்த முறை பெய்த கனமழையினால் பல பகுதிகளில் மழை நீர் தேங்கி இருந்தது. தற்போது அந்த நிலைமை இல்லை ஏபிசி மகளிர் கல்லூரி முன்பு கால்வாய் அமைக்கப்பட்டு அதன் மூலம் மழை நீர் அப்புறப்படுத்தப்பட்டு வருகிறது. மழை நீர் சரியாக சென்று கொண்டுள்ளது. ஆங்காங்கே மோட்டார் மூலம் மழை நீர் அப்புறப்படுத்தப்பட்டுள்ளது. கடந்த சில நாட்களுக்கு முன்பு பெய்த மழை நீரை ஒரு மணி நேரத்தில் அப்புறப்படுத்தப்பட்டுள்ளது. ஆதிபராசக்தி நகர் காட்டாற்று வெள்ளம் வந்து காலி இடத்தில் மழை நீர் தேங்கியது. அதுபோல 16, 17வது வார்டுகளில் மழைநீர் முழுவதும் அப்புறப்படுத்தப்பட்டுள்ளது. மழை வரும் பொழுது அதற்குண்டான பணியில் என்ன என்பதை செய்து வருகிறோம் அடுத்த தலைமுறைக்கு எடுத்துச் செல்லும் வகையில் என்னென்ன தேவை என்பதை செய்து வருகிறோம். ரோடு புதியதாக அமைப்பது எல்லோருக்கும் எல்லாம் என்பதுதான் தமிழக முதலமைச்சரின் திட்டம் பாராளுமன்ற உறுப்பினர் முயற்சியில் பாளை ரோட்டில் மகளிர் பூங்கா அமைக்கப்பட்டுள்ளது. அது போல உங்களுடைய ஹவுசிங் போர்டு பகுதியில் மகளிர் பூங்கா அமைக்கப்பட்டு வருகிறது. மகளிர் மட்டும் பயன்படுத்திக் கொள்ளலாம். மக்களின் பங்கு என்ன என்பது நீங்கள் தெரிந்து கொள்ள வேண்டும். மாநகராட்சியில் 360 கிலோமீட்டர் கழிவுநீர் கால்வாய் உள்ளது. அதை காலை 5 மணி முதல் ஆய்வு செய்து வருகிறோம். கழிவு நீர் கால்வாய்களில் ஏகப்பட்ட டன் கழிவு கேரி பை வருகிறது. நீங்கள் தான் கேரிபையை முற்றிலும் தவிர்க்க வேண்டும் கடைகளில் கேரி பை வாங்க மாட்டேன் என்று பொது மக்களாகிய நீங்கள் தான் கூற வேண்டும். இரண்டு புதிய சாலை அமைக்கப்பட்டுள்ளது. நீங்கள் வீடு உடைத்து வேலை பார்க்கும் போது அந்த காரகட்டியை ரோட்டில் குவித்து வைத்துள்ளீர்கள். நீங்கள் ஒரு 200 ரூபாய் செலவு செய்தால் வாகனம் மூலம் அந்த காரைக்கட்டியை எடுத்துக்கொண்டு பள்ளத்தில் நிரப்ப முடியும். குப்பை இல்லாத மாநகரமாக உருவாக்க வேண்டும். சுகாதாரக் கேடுகள் ஏற்படுகிறது. 180 டன் குப்பைகள் தினசரி எடுக்கிறோம். மக்கும் குப்பை மக்காத குப்பை என்று நீங்கள் பிரித்துக் கொடுக்க வேண்டும். மாநகராட்சியை அடுத்த தலைமுறைக்கும் அடுத்த கட்டத்துக்கும் கொண்டு செல்வது உங்களுடைய கையில் தான் உள்ளது. பிளாஸ்டிக் அறவே தவிர்க்க வேண்டும் நான் இந்த பதவி க்கு வருவதற்கு முன்னாள் பிஸ்கட் எதுவும் சாப்பிட்டால் அந்த கவரை ரோட்டில் போட்டு விடுவேன். ஆனால் தற்போது அதனை கையில் வைத்திருந்து குப்பைத்தொட்டி எங்கு உள்ளது என்று தேடி போய் அங்குதான் போடுகிறேன். 4000க்கு மேற்பட்ட சாலைகள் போடப்பட்டுள்ளது. புது புது வழிதடங்களை கண்டறிந்து சாலைகள் அமைக்கப்பட்டு வருகிறது. பண்டாரம்பட்டிக்கு புது சாலைகள் எல்லாம் அமைக்கப்பட்டுள்ளது. முன்பெல்லாம் நீங்கள் கழிவு நீர் தண்ணீரை அப்புறப்படுத்துவதற்கு மாதம் ரூ.6000 செலவு செய்தீர்கள். தற்போது உங்களுக்கு அந்த செலவு இல்லை. குடிநீரும் தினசரி மற்றும் ஒரு நாள் விட்டு ஒரு நாள் வழங்கப்பட்டு வருகிறது அதற்கு தகுந்தாற்போல் உங்களுக்கு ரோடுகள் போடப்பட்டு வருகிறது. மேலும் நீங்கள் உங்களுக்கு எந்த விதமான வசதிகள் தேவை என்றால் எங்களைத் தொடர்பு கொள்ளலாம். 1887 தெருவிளக்குகள் புதியதாக தேவைப்படுகிறது. அதுவும் விரைவில் பொருத்தப்பட உள்ளது. மாநகராட்சி எப்போதும் உங்கள் வீடு தேடி வந்து கொண்டிருக்கிறது என்று மாநகராட்சி மேயர் ஜெகன் பேசினார்.
இதனையடுத்து, 2வது வார்டுக்குட்பட்ட முத்தம்மாள் காலனி, சமுதாய நல கூடத்திலும் பின்னர் 20வது வார்டுக்குட்பட்ட பகுதி கீதா ஹோட்டல் வளாகத்திலும் நடைபெற்றது.
கூட்டத்தில் கவுன்சிலர் சுப்புலெட்சுமி, முன்னாள் கவுன்சிலர் ரவீந்திரன், மாவட்ட பிரதிநிதி நாராயணன், முத்தம்மாள் காலனி நலச்சங்க தலைவர் தங்கராஜா, வட்ட அவைத்தலைவர் அற்புதராஜ், பிரதிநிதி அருணகிரி, பகுதி சபா உறுப்பினர் ஐசக், போல்பேட்டை பகுதி பிரதிநிதி பிரபாகர், திமுக பிரமுகர்கள் ஜெயபாண்டி, ராஜா, பொன்ராஜ், மின்வாரிய தொழிற்சங்க தலைவர் பேச்சிமுத்து, ஆணையரின் நேர்முக உதவியாளர் துரைமணி, மேயரின் நேர்முக உதவியாளர் ரமேஷ் உள்பட அரசு துறை அலுவலர்கள், பொதுமக்கள் பலர் கலந்து கொண்டனர்.
இந்த முகாம் மாநகராட்சி பகுதிகளில் உள்ள 60 வார்டுகளிலும் நடைபெற்றது.
