தூத்துக்குடியில் ஆயுதங்களுடன் மோதிக் கொண்ட போதை ஆசாமிகள் – தன்னந்தனியாக போராடிய பெண் உதவி ஆய்வாளர்.!.
தூத்துக்குடி காமராஜ் கல்லூரி அருகில் மதுபோதையில் ஏற்பட்ட தகராறில் ஒருவரை ஒருவர் தாக்கிக் கொண்டதில் பாத்திமா நகரைச் சேர்ந்த குமார் (36) மற்றும் 3 சென்ட் பகுதியை சேர்ந்த (வெட்டு) ராஜா (41) ஆகியோர் காயங்களுடன் அரசு மருத்துவமனையில் சிகிச்சைக்காக அனுமதிக்கப்பட்டு உள்ளனர்.
சம்பவம் நடைபெறும்போது, அப்பகுதியில் ரோந்து பணியில் ஈடுபட்டிருந்த தென்பாகம் காவல் நிலைய உதவி ஆய்வாளர் தரண்யா தன்னந்தனியாக போராடி அவர்களிடம் இருந்த ஆயுதங்களை கைப்பற்றி பெரும் அசம்பாவிதம் நடைபெறாமல் தடுத்து இருவரையும் 108 ஆம்புலன்ஸ் மூலம் சிகிச்சைக்காக தூத்துக்குடி அரசு மருத்துவமனைக்கு அனுப்பி வைத்தார். சரியான நேரத்தில் துணிச்சலுடன் செயல் பட்டு போதை ஆசாமிகளிடமிருந்து ஆயுதங்களை லாபகமாக பறித்து பெரும் அசம்பாவிதங்கள் நடைபெற இருந்ததை தடுத்துள்ளார் பெண் உதவி ஆய்வாளர். இந்த வீர தீர செயலை தூத்துக்குடி பொது மக்கள் வெகுவாக பாராட்டி வருகிறார்கள்.
