ஆமதாபாத்தில் ஏர் இந்தியா பயணிகள் விமானம் விழுந்து நொறுங்கியது 169 இந்தியர்கள் பயணித்ததாக தகவல் தேசிய பேரிடர் மீட்புப்படையின் மூன்று குழுவினர் ஆமதாபாத் விரைந்து.

குஜராத் மாநிலம் அகமதாபாத்தில் பயணிகள் விமானம் ஒன்று விழுந்து விபத்தில் சிக்கியுள்ளது. இதில் 200க்கும் அதிகமான பயணிகள் இருந்த நிலையில், அவர்களின் நிலைமை என்ன என்பது குறித்து அச்சம் எழுந்திருக்கிறது. இந்நிலையில் விமானம் விழுந்து நொறுங்கும் வீடியோ பரவலாக பகிரப்பட்டு வருகிறது.இன்று மதியம் 1.30 மணிக்கு, 230 பயணிகள் மற்றும் 12 விமான ஊழியர்களுடன் ஏர் இந்தியா விமானம் ஒன்று அகமதாபாத்திலிருந்து லண்டனுக்கு புறப்பட்டது. புறப்பட்ட சில நிமிடங்களில் விமானம் மேலே எழும்ப முடியாமல் தினறியது. இதனால், அருகில் இருந்த மக்கள் குடியிருப்பில் விழுந்து விபத்தில் சிக்கியுள்ளது.விமானம் விழுந்த பகுதி மோதானி நகர் என்று தகவல்கள் வெளியாகியுள்ளன. விமானம் விழுந்தது எப்படி? உள்ளே இருந்த பயணிகளுக்கு என்ன ஆனது? குடியிருப்பில் உள்ள மக்களின் நிலைமை என்ன? என்பது குறித்து இன்னும் தகவல்கள் வெளியாகவில்லை. தற்போது சம்பவம் நடந்த பகுதியில் ஆம்புலன்ஸ்கள் சென்றவாறு இருக்கின்றன. விபத்து பகுதியில் எழுந்த புகை மூட்டம் வானம் முழுவதையும் ஆக்கிரமித்திருக்கிறது.தகவல் அறிந்த தீயணைப்பு படையினர் உடனடியாக தீயை அணைக்கும முயற்சியில் ஈடுபட்டிருக்கின்றனர். காயமடைந்தவர்கள் மீட்கப்பட்டு அருகில் இருக்கும் மருத்தவமனைகளில் அனுமதிக்கப்பட்டிருக்கின்றனர்.

விபத்துக்கு உள்ளான விமானத்தில் குஜராத் முன்னாள் முதல்வர் விஜய் ரூபானியும் பயணித்ததாக சொல்லப்படுகிறது. இந்நிலையில் விபத்து குறித்து அதிகாரிகளுடன் உள்துறை அமைச்சர் அமித்ஷா ஆலோசனை மேற்கொண்டிருக்கிறார். மீட்பு பணிகளை துரிதப்படுத்த உத்தரவிட்டுள்ளதாக தகவல்கள் வெளியாகியுள்ளன.இந்நிலையில், விபத்து குறித்த வீடியோ சோஷியல் மீடியாக்களில் பரவலாக பகிரப்பட்டு வருகிறது. அதில் விமானம் மேலே எழும்புவதற்கு போராடுவதையும், ஆனால், எழும்ப முடியாமல் கீழே விழுந்து நொறுங்குவதும் தெரிய வந்திருக்கிறது. விழுந்த அடுத்த நொடி, கடுமையான தீ புகை மேலே எழுந்திருக்கிறது.விபத்துக்குள்ளான ஏர் இந்தியா விமானத்தில் 169 இந்தியர்கள் பயணித்துள்ளனர்குஜராத் மாநிலம் அகமதாபாத்திலிருந்து லண்டன் சென்ற ஏர் இந்தியா விமானம் குஜராத்தின் மேகானி என்ற பகுதியில் விழுந்து விபத்துக்குள்ளானதை ஏர் இந்தியா அதன் அதிகாரப்பூர்வ ட்விட்டர் பக்கத்தில் உறுதி செய்துள்ளது. மேலும் விமானத்தில் பயணித்த பயணிகளின் எண்ணிக்கை உள்ளிட்ட விவரங்கள் மற்றும் உதவி எண்களையும் அறிவித்துள்ளது. அதன்படி 169 இந்தியர்கள், 53 பிரிட்டன் நாட்டவர்கள், 7 போர்ச்சுகல் நாட்டவர்கள் மற்றும் கனடாவைச் சேர்ந்த ஒருவரும் விமானத்தில் பயணித்துள்ளனர்.தற்போது உதவி எண்கள் அறிவித்த ஏர் இந்தியா அகமதாபாத் விமான விபத்து தொடர்பான கூடுதல் தகவல்களை பெற ஏர் இந்தியா 1800 5691 444 என்ற பிரத்யேக பயணிகள் உதவி எண்ணை அறிமுகப்படுத்தியுள்ளது.தேசிய பேரிடர் மீட்புப்படையின் மூன்று குழுவினர் ஆமதாபாத் விரைந்து விமானம் விழுந்து நொறுங்கியை சம்பவம் நாடு முழுவதும் பெரும் அதிர்வை ஏற்படுத்தியுள்ளது.