தூத்துக்குடி இல்லத்து பிள்ளைமார் சமுதாயத்துக்கு  பாத்தியப்பட்ட     ஸ்ரீ பார்வதி அம்மன் திருக்கோவில் 13 ம் ஆண்டு வருஷாபிஷேக விழா!!

தூத்துக்குடி திரவியபுரம் இரண்டாவது தெருவில் அமைந்துள்ள அருள்மிகு ஸ்ரீ பார்வதி அம்மன் திருக்கோவில் வருஷா பிஷேக விழாவை முன்னிட்டு நேற்று முன்தினம் 6 ம் தேதி இரவு 7 மணிக்கு 180 விளக்கு பூஜை நடைபெற்றது. மறுநாள் 7 ம் தேதி அன்று காலை 8 மணிக்கு சந்தி விநாயகர் கோயில் ஆலயத்திலிருந்து பால்குடம் ஊர்வலம் நடைபெற்றது.பின்னர் காலை 10 மணிக்கு கணபதி ஹோமம், 11 மணிக்கு ஸ்ரீ பார்வதி அம்மனுக்கு சிறப்பு அபிஷேகம் மற்றும் தீபாராதனை மதியம் 1 மணிக்கு பொதுமக்களுக்கு அன்னதானம் நடைபெற்றது. பின்னர் சிறப்பு அலங்காரம் செய்யப்பட்டு, இரவு 7 மணிக்கு மாவிளக்கு ஊர்வலம், அம்மன் சப்பரத்தில் வீதி ஊர்வலம் கோவிலை சுற்றி வந்தது. தொடர்ந்து சிறப்பு பூஜை நடைபெற்றது.மேலும் கோவில் விழா ஏற்பாடுகளை கோவில் நிர்வாகிகள் தலைமையில் செய்துள்ளனர். திருக்கோவில் விழாவில் நிர்வாகிகள் செயல் தலைவர் கந்தசாமி, தலைவர் வெள்ளைச்சாமி, செயலாளர் கருப்பசாமி, பொருளாளர் கணேசன், இணை தலைவர் பாலசுப்பிரமணியன், இணைச் செயலாளர் நாராயணன், துணைத் தலைவர்கள் முப்பிடாதி, பாலகிருஷ்ணன், ராமச்சந்திரன், சிவகாந்தன், துணைச் செயலாளர்கள் முத்து கருப்பன், கருப்பசாமி ராஜா, துளசி, பரிபூரண ராஜா,சந்தி விநாயகர் கோயில் செயலாளர் ஏ.எம். ரமேஷ் கமிட்டி உறுப்பினர் சந்தனராஜ், மற்றும் கோயில் நிர்வாகிகள் மற்றும் ஸ்ரீ நாராயணகுரு நற்பணி இயக்கம் மற்றும் திரளான பக்தர்கள் கலந்து கொண்டனர்.