==============
தூத்துக்குடி ஏப்ரல் 27
தமிழகத்தில் கோடை வெயிலின் தாக்கம் நாளுக்கு நாள் அதிகரித்து வருகிறது. அதனால், தமிழகத்திலுள்ள அரசியல் கட்சியினர் மற்றும் சமூக அமைப்புகள் பொதுமக்களின் உடல் வெப்பம் மற்றும் தண்ணீர் தாகத்தை தீர்க்கும் வகையில் பொதுமக்கள் அதிகம் கூடும் பேருந்து நிலையம் உள்ளிட்ட முக்கிய இடங்களில் நீர் மோர் பந்தல் திறந்து வருகின்றனர்.


அந்த வகையில், தமிழக வெற்றி கழகம் கட்சியின்
நிறுவனத் தலைவர்
விஜய் அவர்களின் ஆணையின்படி, பொதுச் செயலாளர் ஆனந்த் வழிகாட்டுதலின்படி
தமிழகம் முழுவதும் பல்வேறு மாவட்ட பகுதிகளில் தவெக வினர் நீர் மோர் பந்தல் திறந்து வருகின்றனர். அதன்படி தூத்துக்குடியில்
தமிழக வெற்றி கழகம் சார்பில் தூத்துக்குடி மாவட்ட பொறுப்பாளர் அஜிதா ஆக்னல் தலைமையில் பல்வேறு இடங்களில் நீர்மோர் பந்தல் திறக்கப்பட்டது. அதன்படி இன்று
27/04/25 தமிழக வெற்றி கழகம் தூத்துக்குடி மாவட்ட பொறுப்பாளர் அஜிதா ஆக்னல் தலைமையில்
கோடை வெயிலின் தாக்கத்திலிருந்து மக்களைப் பாதுகாக்க,மக்கள் அதிகம் கூடும் இடங்களில், நீர் மோர் பந்தல் ஒரே நாளில் 5 இடங்களில் திறக்கப்பட்டது. தூத்துக்குடி சட்டமன்ற தொகுதிக்குட்பட்ட மாநகராட்சி
பகுதியான
அமெரிக்கன் ஆஸ்பத்திரி ரவுண்டானா அருகில், அம்பேத்கர் நகர் மெயின்,
சோட்டையன் தோப்பு மெயின்… (தொழுநோய் மருத்துவமனை அருகில்) ஓட்டப்பிடாரம் சட்டமன்ற தொகுதிக்குட்பட்ட
மாதா நகர் மெயின், ராஜபாளையம் மெயின், தாளமுத்து நகர் மெயின், உள்ளிட்ட இடங்களில் நீர் மோர் பந்தல் திறந்து வைத்தார். தமிழக வெற்றிக் கழகம் தலைமையின் ஆணைக்கிணங்க
தூத்துக்குடி மாவட்ட பொறுப்பாளர் அஜிதா ஆக்னல் தூத்துக்குடி பொது மக்கள் பிரச்சனைக்கு முன்னின்று குரல் கொடுத்து வரும் நிலையில் தற்போது கோடை வெயிலின் தாக்கத்திலிருந்து மக்களை பாதுகாக்க
தூத்துக்குடியில் பல்வேறு இடங்களில் நீர் மோர் பந்தல் திறந்து வைத்திருந்த நிலையில் இன்று ஒரே நாளில் 5 இடங்களில் நீர் மோர் பந்தல் திறந்து
பொதுமக்களுக்கு, தர்பூசணி, ஜுஸ், மோர் உள்ளிட்டவைகளை வழங்கினார். இதனால் தமிழக வெற்றி கழகத்தைச் சார்ந்த நிர்வாகிகள் தொண்டர்கள், மிகவும் உற்சாகத்துடன் பணியாற்றி வருகின்றனர். தமிழக வெற்றி கழகம் சார்பில் தூத்துக்குடி சட்டமன்ற பகுதி மற்றும் ஓட்டப்பிடாரம் சட்டமன்ற தொகுதியில் நீர் மோர் பந்தல் திறந்து பொது மக்களுக்கு வழங்கி வருவது தூத்துக்குடி பொதுமக்கள் மத்தியில் தமிழக வெற்றி கழகம் தலைமைக்கும், தூத்துக்குடி மாவட்ட பொறுப்பாளர் அஜிதா ஆக்னல் மற்றும் தவெக நிர்வாகிகள் அனைவருக்கும் மிகுந்த பாராட்டுக்கள் குவிந்துவருகிறது.

