சட்டமன்ற தேர்தலில் மக்கள் நீதி மய்யம் கட்சியின் சுற்றுசூழல் மாநில செயலாளர் பத்மப்ரியா (25) மதுரவாயல் தொகுதியில் போட்டியிடுகிறார். இளம் வேட்பாளரான இவர் சந்திக்கும் முதல் சட்டமன்ற தேர்தல் இது. இந்நிலையில் பத்மப்ரியா 16.03.2021 தனது வேட்பு மனுவை மதுரவாயல் வட்டாட்சியர் அலுவலகத்தில் தாக்கல் செய்தார்.
மதுரவாயல் தொகுதியில் அதிமுக சார்பில் அமைச்சர் பெஞ்சமின், திமுக சார்பில் காரப்பாக்கம் கணபதி ஆகியோர் போட்டியிடுகின்றனர் என்பது குறிப்பிடத்தக்கது.
இன்று அதிகாலையில் நடைபயிற்சி மேற்கொண்ட அவர், அங்கு கூடியிருந்த மக்களிடம், கட்சி கொள்கைகளை எடுத்துக்கூறினார். மேலும், ‘நான் உங்கள் வீட்டு பிள்ளை’ எனக்கு வாக்களியுங்கள் என கேட்டுக்கொண்டார். பத்மப்ரியாவின் எளிமையான பிரச்சாரத்தை கண்டு பொதுமக்கள் தங்கள் ஆதரவினை தெரிவித்தனர்.
