ஓசூர்,மே, 9
கிருஷ்ணகிரி மாவட்டம் ஒசூர் அடுத்த கெலமங்கலம் – சின்னட்டி சாலையோரமாக 2 அரசு மதுபான கடைகள் செயல்பட்டு வருகிறது. போக்குவரத்து நெருக்கடி நிறைந்த இந்தசாலையில் குடிமகன்களால் தினந்தோறும் சாலை விபத்துக்கள் நடப்பதாக அப்பகுதினர் மாவட்ட நிர்வாகத்தினரிடம் புகார் தெரிவித்து வருகின்றனர். அந்த 2 மதுபான கடைகளை வேறு இடத்தில் மாற்றிட பொதுமக்கள் கோரிக்கை விடுத்து வரும்நிலையில்
நேற்று மாலை சின்னட்டி கிராமத்தை சேர்ந்த ஸ்ரீனிவாஸ்(55) என்பவர் சைக்கிளிலில் கெலமங்கலம் நோக்கி வந்தவர் மேற்கண்ட டாஸ்மாக் கடை அருகே போக்குவரத்து நெருக்கடி காரணமாக அந்தப் பகுதியில் வந்த நபர் கார் மோதிய விபத்தில், பலத்த காயங்களுடன் கிருஷ்ணகிரி மாவட்ட அரசு மருத்துவக்கல்லூரியில் சிகிச்சை பெற்று வந்தவர் இன்று மதியம் உயிரிழந்தார்.
மாநில நெடுஞ்சாலை ஓரமாக உள்ள இந்த 2 மதுபான கடைகளால் இதுவரை பல விபத்துக்கள் நடந்தும், அரசு கடைகளை மாற்ற முன்வராததை கண்டித்து சின்னட்டி கிராம மக்கள், ஒன்று திரண்டு
கெலமங்கலம் அரசு மதுபான கடை முன்பு சாலை மறியலில் ஈடுபட்டு வருகின்றனர். இந்தச் சம்பவம் அப்பகுதியில் பெரும் பரபரப்பு ஏற்படுத்தி உள்ளது. காவல்துறை அதிகாரிகள் சம்பவ இடத்திற்கு வந்து சாலை மறியலை கைவிட கோரியும் மாவட்ட நிர்வாகம் மற்றும் டாஸ்மார்க் மேலாளர்கள் கவனத்திற்கு எடுத்து சென்று விரைவில் தீர்வு காணப்படும் எனவும் தெரிவித்ததாக கூறப்படுகிறது. இருந்தாலும் பல்வேறு விபத்துக்கு காரணமாகவும் போக்குவரத்து நெருக்கடி மிக்க இந்தப் பகுதியில் அமைந்துள்ள இரண்டு டாஸ்மாக் மதுபான கடையை அகற்றுவதாக உறுதிமொழி கொடுத்தால் மட்டுமே சாலை மறியலை கைவிடுவோம் என பொதுமக்கள் தொடர் போராட்டத்தில் ஈடுபட்டு வருகின்றன. இதனால் போக்குவரத்து பாதிக்கப்பட்டு அப்பகுதியில் பெரும் பரபரப்பு ஏற்பட்டு வருகிறது.
தேன்கனிக்கோட்டை காவல் துணை கண்காணிப்பாளர் சாந்தி, ஓசூர் காவல் துணை கண்காணிப்பாளர் சிவலிங்கம், ராயக்கோட்டை காவல் ஆய்வாளர் பெரியதம்பி, கெலமங்கலம் காவல் உதவி ஆய்வாளர் தினேஷ், சம்பவ இடத்திற்கு நேரில் சென்று சாலை மறியல் ஈடுப்பட்டவர்களிடம் மதுக்கடையை உறுதியாக அகற்ற நடவடிக்கை எடுப்பதாக கூறியதையடுத்து அனைவரும் கலைந்து சென்றனர். இந்த சாலை மறியலால் அப்பகுதியில் போக்குவரத்து பாதிக்கப்பட்டது, கெலமங்கலம் வருவாய்த்துறை அலுவலர் முனியப்பன், மற்றும் அரசு அதிகாரிகள் பொதுமக்களிடம் நடைபெற்ற பேச்சுவார்த்தையின் போது உடன் இருந்தனர்.
