கோவில்பட்டியில் இருந்து தூத்துக்குடிக்கு தீப்பெட்டி லோடு ஏற்றிவந்த கண்டெய்னர் லாரி இன்று மாலை தூத்துக்குடி எட்டையபுரம் to தூத்துக்குடி செல்லும் எட்டயாபுரம் ரோட்டில் சிங்கப்பூர் காம்ப்ளக்ஸ் சந்திப்பு பகுதியில் உள்ள வளைவில் திரும்பும்போது கட்டுப்பாட்டை இழந்து, ரோட்டில் சாய்ந்து கீழே விழுந்து விபத்திற்குள்ளானது.
இந்த விபத்தில் அங்கு நின்று கொண்டிருந்த ஒரு ஆட்டோ ஒரு இரு சக்கர வாகனம் மற்றும் ஒரு சைக்கிள் கண்டைனர் பெட்டிக்கு அடியில் சிக்கியதுஏற்கனவே நிறுத்தபட்டிருந்த வாகனங்கள் மீது கண்டைனர் பெட்டி விழுந்ததால் யாரும் விபத்தில் சிக்கவில்லை. மேற்படி விபத்துக்குள்ளான லாரியை கீழ ஈரால் பகுதியை சேர்ந்த அய்யாச்சாமி மகன் பால்ராஜ் (28) என்பவர் ஓட்டி வந்துள்ளார்.
தூத்துக்குடி மாவட்ட போலீஸ் சூப்பிரண்டு எஸ்.ஜெயக்குமார் விபத்து நடந்த பகுதியை பார்வையிட்டு, உடனடியாக எட்டயாபுரம் காவல் நிலைய ஆய்வாளர் ஜின்னா பீர் முகம்மது, உதவி ஆய்வாளர் பொன்ராஜ் மற்றும் நெடுஞ்சாலை ரோந்து வாகனம் சிறப்பு உதவி ஆய்வாளர் . நீலகண்டன் ஆகியோரிடம் உடனடியாக போக்குவரத்தை சீர் செய்ய உத்தரவிட்டதன் பேரில் போக்குவரத்து உடனடியாக சீர் செய்யப்பட்டது. இதுகுறித்து எட்டையாபுரம் காவல் நிலைய போலீசார் வழக்கு பதிவு செய்து விசாரணை மேற்கொண்டனர்.
