மாணவிகளுக்கு வாட்ஸ்-அப் மூலம் பாலியல் தொல்லை கொடுப்பதாக அரசு பள்ளி உடற்கல்வி ஆசிரியர் மீது போலீசில் புகார் கொடுக்கப்பட்டுள்ளது.
வேதாரணியம் செப்டம்பர் 27
நாகப்பட்டினம் மாவட்டம் வேதாரண்யத்தை அடுத்து உள்ள அரசு மேல்நிலைப்பள்ளியில் பணிபுரிந்து வரும் 38 வயதான உடற்கல்வி ஆசிரியர் ஒருவர் அந்த பள்ளியில் 11 மற்றும் 12-ம் வகுப்பு படிக்கும் மாணவிகளுக்கு வாட்ஸ்-அப்பில் தவறான செய்திகளை அனுப்பி பாலியல் தொல்லை கொடுத்ததாக கூறப்படுகிறது. இதுகுறித்து மாணவிகள் பள்ளி தலைமை ஆசிரியரிடம் புகார் மனு கொடுத்தனர். இந்த புகார் மனுவை நாகை மாவட்ட முதன்மை கல்வி அலுவலர், மாவட்ட கல்வி அலுவலர், நாகை மாவட்ட ஆட்சியர், நாகை மாவட்ட காவல் கண்காணிப்பாளர் ஆகியோருக்கு தலைமை ஆசிரியர் அனுப்பி வைத்துள்ளார். மேலும் இதுகுறித்து வேதாரண்யத்தை அடுத்த கரியாப்பட்டினம் போலீஸ் நிலையத்தில் தலைமையாசிரியர் புகார் கொடுத்தார். அதன்பேரில் காவல் ஆய்வாளர் மலர்க்கொடி மற்றும் காவல்துறையினர் பள்ளிக்கு வந்து மாணவிகள் மற்றும் ஆசிரியர்கள், தலைமையாசிரியர் ஆகியோரிடம் விசாரணை நடத்தினர். இந்த சம்பவம் அந்த பகுதியில் பெரும் பரபரப்பை ஏற்படுத்தி உள்ளது.போலீஸ் செய்தி டிவிக்காக நாகை மாவட்ட செய்தியாளர எல்விஸ் லாய் மச்சோடா.
