ஸ்டெர்லைட் காப்பர் வேதாந்தா குழுமம் உலக அளவில் தொழில் துறையில் தனி முத்திரை பதித்த நிறுவனமாகும். பல்வேறு நாடுகளில் தொழில் துவங்கி பன்னாட்டு நிறுவனமாக விளங்கி வருகிறது. தென்தமிழகத்தில் தொழில்துறை வளர்ச்சிக்கும், முன்னேற்றத்திற்கும் பெரும் பங்காற்றியுள்ளது. தூத்துக்குடி மாவட்டத்தில் ஆயிரக்கணக்கானோருக்கு வேலைவாய்ப்பை உருவாக்கியும், கனரக வாகனங்கள் சார்ந்த தொழில்கள் மற்றும் துறைமுகம் சார்ந்த ஏற்றுமதி, இறக்குமதி தொழில்களுக்கு வரபிரசாதமாக இருந்து வந்தது.
தமிழகத்தில் தொழில் வளர்ச்சியில் முதன்மை மாவட்டமாக சென்னைக்கு அடுத்தபடியாக தூத்துக்குடி சிறந்து விளங்குவதற்கு வேதாந்தா குழுமத்தின் பங்கு அதிகம் என தொழில்துறை வல்லூநர்கள் தெரிவிக்கிறார்கள்.
இந்த நிலையில் புதியதாக வேதாந்தா குழுமம் மூலம் நிறுவப்பட இருந்த ஆலை பிரச்சனையை திசை திருப்பும் வகையில் ஆலை நிர்வாகத்தின் மீது சில வதந்திகள் பரப்பப்பட்டுள்ளது. குறிப்பாக, வடஇந்தியாவில் உள்ள பணியாளர்களே பெரும்பாலும் இங்கு பணியாற்றுகிறார்கள் என்றும் ஸ்டெர்லைட்டின் புதிய ஆலை தற்போது உள்ளதை விட நான்கு மடங்காக உற்பத்தி அதிகரிக்க உள்ளது என்றும், தூத்துக்குடியில் தண்ணீர் தட்டுப்பாடு அதிகரிக்கும் என்றும், நிலத்தடி நீர் மற்றும் கடல்நீர், காப்பரிலிருந்து வெளியேறும் கழிவுநீரால் மாசுபடுகிறது என்றும், பொய் பிரச்சாரம் திட்டமிட்டு பரப்பி வந்துள்ளதாக தெரியவருகிறது. உண்மை நிலவரம் அதுவல்ல என்று வேதாந்தா நிறுவனம் தெரிவிக்கிறது. மேலும் அந்நிறுவனம் தெரிவித்துள்ளதாவது: எங்கள் நிறுவனத்தில் 70 சதவீதத்திற்கும் மேலாக தமிழகத்தைச் சேர்ந்த நபர்களே பணியமர்த்தப்படுகிறார்கள் என்றும், தற்போதைய உற்பத்தி ஆண்டிற்கு 4 லட்சம் டன். புதிதாக நிறுவப்படும் ஆலையிலும் ஆண்டிற்கு 4 லட்சம் டன் தாமிர உற்பத்தி மட்டுமே நிறுவப்படுகிறது. அனைத்து திரவக் கழிவுகளும் அதிநவீன தொழில்நுட்பத்தைக் கொண்டு மறுசுழற்சி செய்யப்படுகிறது. ஆலையிலிருந்து எந்த கழிவு நீரும் வெளியேற்றப்படுவதில்லை. மேலும், ஸ்டெர்லை காப்பர் ஆலை, அதன் மொத்த கந்தக வாயுவையும் கந்தக அமிலமாக மாற்றுவதற்கு உலகப் புகழ் பெற்ற இருமுறை சுத்திகரிப்பு தொழில்நுட்பத்தை பயன்படுத்தி வருகிறது. நோய் உண்டாகிறது என்பதற்கு மருத்துவ அடிப்படையில் ஆதரமற்ற குற்றச்சாட்டு தெரிவிக்கப்படுகிறது.
ஸ்டெர்லை நிறுவனத்தின் நிலைமை இவ்வாறு இருக்க, ஒருசிலர் வதந்திகள் பரப்பி நிறுவனத்தில் மேல் அவப்பெயரை உண்டாக்கி வருவதாக தெரியவருகிறது. இதனால் பொதுமக்கள் மத்தியில் தொழில் வளம் மிகவும் பாதிப்புக்குள்ளாகி உள்ளது என்றும் வேதனையடைகின்றனர். 
தூத்துக்குடி மாவட்டத்தில் சமூக உள்கட்டமைப்பு திட்டங்களுக்கான சுப பூமி பூஜை மூலம் சுமார் 100 கோடி மதிப்பீட்டில் பல்வேறு தரப்பு மக்களுக்கும் நன்மை பயக்கும் வகையில் செயலாற்றி வருகிறது வேதாந்தா குழுமம்.
வேலைவாய்ப்பின்மை, தொழில் துறையில்; மந்தம், ஏற்றுமதி-இறக்குமதியில் தொய்வு போன்ற காரணத்தினால் சமீபகாலமாக தூத்துக்குடி மாவட்டத்தில் வளர்ச்சிப்பணிகள் தடைப்பட்டு காணப்படுகிறது.
நலிவடைந்த பொதுமக்களுக்கு நலத்திட்டங்கள்;, மாணவர்களுக்கு கல்வி உதவிகள் என எண்ணற்ற நற்பணிகளை மேற்கொண்ட வேதாந்தா குழுமம் சமூக நலனில் அக்கறை கொண்டு மீண்டும் புதுபொழிவுடன் தொடர்ந்து செயலாற்றிட பொதுமக்கள் மத்தியில் எதிர்பார்ப்பு அதிகரித்து உள்ளது.
செய்தி தொகுப்பு: சிறப்பு செய்தியாளர், சென்னை.
