தூத்துக்குடியில் உடற்பயிற்சியினை வலியுறுத்தி தருவை மைதானத்தில் 62 சுற்று ஓடி விழிப்புணர்வு ஏற்படுத்திய 62 வயதுடையவருக்கு எஸ்பி பாலாஜி சரவணன் பாராட்டு தெரிவித்தார்.
தூத்துக்குடி ஆசிரியர் காலனி பகுதியில் உள்ள ஈஸி பிட்னஸ் ஸ்போர்ட்ஸ் அகாடமியின் நிறுவனர் மற்றும் பயிற்சியாளருமான இம்மானுவேல் (62) என்பவர் சிறுதானிய உணவு மற்றும் உடற்பயிற்சியின் அவசியத்தை வலியுறுத்தி கடந்த 18ம் தேதி தூத்துக்குடி தருவை மைதானத்தில் தனது 62வது பிறந்தநாளை முன்னிட்டு 62 சுற்றுகள் ஓடி நிறைவு செய்து விழிப்புணர்வு ஏற்படுத்தினார். அவருடன் அவர் நடத்திவரும் உடற்பயிற்சி அகடாமியின் மாணவர்கள் 4 பேரும் ஓடியுள்ளனர்.
மேற்படி விழிப்புணர்வு ஓட்டம் ஓடிய இம்மானுவேல் மற்றும் 4 மாணவர்கள் ஆகியோர் இன்று (21.06.2022) மாவட்ட காவல் அலுவலகத்தில் தூத்துக்குடி மாவட்ட காவல் கண்காணிப்பாளர் எல். பாலாஜி சரவணனை சந்தித்து வாழ்த்து பெற்றனர். அவருக்கு மாவட்ட காவல் கண்காணிப்பாளர் பாராட்டு தெரிவித்தார்.
