மணிப்பூர் ஆளுநராக தமிழகத்தை சேர்ந்த பாஜக மூத்த தலைவர் இல.கணேசன் நியமிக்கப்பட்டதற்கு தமிழ்நாடு முதல்வர் மு.க.ஸ்டாலின் வாழ்த்து தெரிவித்திருக்கிறார்.
இது தொடர்பாக ட்வீட் செய்திருக்கும் முதல்வர் மு.க.ஸ்டாலின், “மணிப்பூர் மாநில ஆளுநராகப் பொறுப்பேற்கவுள்ள தலைவர் கலைஞரின் அன்பைப் பெற்ற பண்பாளரும்; நீண்ட அரசியல் அனுபவத்துக்குச் சொந்தக்காரருமான அண்ணன் திரு. இல.கணேசன் அவர்களுக்கு வாழ்த்துகள்! ” என தெரிவித்திருக்கிறார்.
இல.கணேசனுக்கு வாழ்த்து தெரிவித்திருக்கும் கவிஞர் வைரமுத்து, “இலக்கிய கணேசனாக அறியப்பட்ட திரு இல.கணேசன் இன்று மணிப்பூர் ஆளுநராக அறியப்படுவது மகிழ்ச்சி தருகிறது. தமிழறிந்த ஒருவர் பெருமை பெறுவது பெருமிதம் தானே வாழ்த்துவோம்” என தெரிவித்திருக்கிறார்.
