தூத்துக்குடி மீகா தெருவில் எஸ்ஐஆர்., படிவம் முழுமையாக வந்து விட்டதா அதிமுக ஆய்வு

தூத்துக்குடி, நவ. 28-
தூத்துக்குடி மீ.கா தெருவில் எஸ்ஐஆர் படிவம் முழுமையாக திரும்ப பெறப்படுகிறதா என்பதை அதிமுக பகுதி செயலாளர் ஜெய்கணேஷ் ஆய்வு செய்தார்.
தூத்துக்குடி சட்ட சபை தொகுதியில் வாக்காளர் தீவிர சிறப்பு திருத்த பணியில் வழங் கப்பட்ட படிவங்கள் பூர்த்தி செய்து மீண்டும் பி.எல்.ஓ,. முழுமையாக ஒப்படைக்கப்படுகிறதா என்பதை கண்காணிக்க வேண்டும். இல்லை என்றால் வீடு, வீடாக சென்று அதிமுகவினர் அதனை பெற்று அவர்களிடம் ஒப்படைக்க வேண்டும் என்று தெற்கு மாவட்ட செயலாளரும் முன்னாள் அமைச்சருமான எஸ்.பி.சண்முகநாதன் உத்தரவிட்டிருந்தார்.
இதன்படி தூத்துக்குடி மாநகராட்சி மீகா தெரு பகுதியில் எஸ்ஐஆர் நிரப்பப்பட்ட படிவங்கள் மக்களிடத்தில் சரியான முறையில் திரும்ப பெறப்பட்டதா என்பதை மத்திய வடக்கு பகுதி அதிமுக செயலாளர் ஜெய்கணேஷ் ஆய்வு செய்தார்.
மாவட்ட எம் ஜி ஆர் மன்ற இணை செயலாளர் நவ்ஷாத், மாவட்ட மகளிர் அணி துணை செயலாளர் ராஜேஸ்வரி, பகுதி மாணவரணி செயலாளர் ரியாஸ், மகளிர் அணி அகிலா, சிறுபாண்மை பிரிவு மைதீன் மற்றும் அதிமுகவினர் உடனிருந்தனர்.