==============
தூத்துக்குடி, நவ, 16
தூத்துக்குடி மாநகராட்சி பகுதி நாளுக்கு நாள் வளர்ச்சி அடைந்து வருவதை கருத்தில் கொண்டு பல்வேறு கட்டமைப்புகள் உருவாக்கப்பட வேண்டிய நிலை உள்ளது. இதில் தனியார் நிறுவனங்களும், பல்வேறு பொது அமைப்புகளும் தாங்களாகவே முன்வந்து பொதுமக்களின் பாதுகாப்பு நலன் கருதி கண்காணிப்பு கேமரா அமைப்பதற்கு முன்வந்து உதவி செய்து வருகின்றனர்.
பொதுவாக
பெண்கள் மற்றும் பொதுமக்களின் பாதுகாப்பிற்காக PSG VESTMENTS தனியார் நிறுவனத்தின் உரிமையாளர் சுகந்த் பர்னபாஸ் அவர்களின் சீரிய ஏற்பாட்டில், தூத்துக்குடி மாநகராட்சிக்கு உட்பட்ட புறநகர் பகுதியான கங்கா பரமேஸ்வரி நகர் பகுதியில் உள்ள பூங்கா மற்றும் சங்கரப்பேரி விலக்கு முதல் ஸ்டேட் பேங்க் காலனி பகுதி வரையும், எட்டையாபுரம் ரோடு பகுதிகளிலும் முதற்கட்டமாக ரோட்டரி கிளப் மூலம்
48 சிசிடிவி கேமராக்கள் பொருத்தப்பட்டு, மாநகராட்சி வசம் ஒப்படைக்கப்பட்டது.
இதைத் தொடர்ந்து மேலும் 78 கேமராக்கள் பொருத்தும் பணி நடைபெற்று வருகிறது.
பூங்காவில் நடைபெற்ற இந்த துவக்க விழாவிற்கு மேயர் ஜெகன் பொியசாமி தலைமை வகித்தாா். ஆணையர் ப்ரியங்கா முன்னிைல வகித்தாா். ரோட்டாி சங்க தலைவர் பிண்டோ வில்லவராயா், வரவேற்புரையாற்றினாா்.
பூங்காவில் பொருத்தப்பட்டுள்ள கண்காணிப்பு கேமராவை துவக்கி வைத்து பார்வையிட்ட பின்பு மாநகராட்சி அலுவலகத்தில் உள்ள கண்காணிப்பு அறையில் பொருத்தப்பட்டுள்ள எல்இடி திரை மூலம் மாநகரில் பொருத்தப்பட்டுள்ள கண்காணிப்பு கேமரா செயல்பாடுகளை மேயர் ஜெகன் பொியசாமி, ஆணையர் ப்ரியங்கா ஆகியோர் பார்வையிட்டனர்.
பின்னர் மேயர் ஜெகன் பொியசாமி கூறுகையில் மாநகராட்சி பகுதியில் 3000 கேமராக்கள் பொருத்த முடிவு செய்யப்பட்டுள்ளது தற்போது பொருத்தப்பட்டுள்ள கேமரா மூலம் மாநகராட்சி அலுவலகத்தில் இருந்து கண்காணிக்க முடியும் மழைக்காலங்களில் எந்தெந்த பகுதியில் மழைநீர் தேங்கியுள்ளது என்பதையும் கண்காணித்து அதன் அடிப்படையில் உடனடியாக மழை நீர் அப்புறப்படுத்துவதற்கான நடவடிக்கை மேற்கொள்ளப்படும் அது போல பக்கிள் ஓடை கழிவுநீர் கால்வாய்களில் பொதுமக்கள் குப்பைகளை வீசுவதை கண்காணிக்க முடியும் அதன் மூலம் பக்கீல் ஓடையில் அடைப்புகள் ஏற்படாமல் தடுக்க முடியும். ஆகையால் இனி வரும் காலங்களில் தூத்துக்குடி மாநகரில் எந்த ஒரு நிகழ்வுகள் நடந்தாலும் மாநகராட்சியில் இருந்து மாநகரை கண்காணிக்க முடியும் மாநகரில் பொருத்தப்பட்டுள்ள அனைத்து கேமராக்களுக்கும் இணைப்பு மாநகராட்சி அலுவலகத்தில் இணைக்கப்பட்டுள்ளது அதன் மூலம் மாநகராட்சியில் இருந்து தூத்துக்குடி மாநகரில் எந்த நிகழ்வையும் கண்காணிக்க முடியும் கால சூழ்நிலைக்கு ஏற்ப நாமும் பல்வேறு மாற்றங்களை கொண்டு வரவேண்டிய நிலையில் இருக்கிறோம் பொதுமக்களும் அதற்கேற்றாற்போல் தாங்களும் மாறி கொள்ள வேண்டும். என்று கூறினாா்.
இந்த நிகழ்ச்சியில் நகர அமைப்பு திட்ட பொறியாளர் ராமலிங்கம், ரோட்டரி கிளப் சங்க செயலாளர் மகாலிங்கம், PSG VESTMENTS தனியார் நிறுவனத்தின் உரிமையாளர் சுகந்த் பர்னபாஸ் வட்ட செயலாளர் ரவீந்திரன், போல்பேட்டை பகுதி பிரதிநிதிகள் பிரபாகா் ஜேஸ்பா், மற்றும் அரசு அலுவலா்கள் நிர்வாகிகள் பொதுமக்கள் கலந்து கொண்டனர்.
