மதுரை
போதை பொருள் நுண்ணறிவு பிரிவு போலீசார் நேற்று முன்தினம் (செப்.22) மாலை இரகசியத் தகவலின் அடிப்படையில், மதுரை சிட்டம்பட்டி டோல்கேட் அருகே வாகன சோதனை மேற்கொண்டதில், வாகன எண் KA 01 AJ 1913 டாரஸ் கண்டெய்னர் லாரியில், ஆந்திராவில் இருந்து கடத்திவரப்பட்ட 176 கிலோ எடையுடைய கஞ்சா பறிமுதல் செய்யப்பட்டது.
மேலும், லாரி ஓட்டி வந்த அருப்புக்கோட்டை ஆதிப்பட்டியை சேர்ந்த மருதுபாண்டி ( 39) என்பவரை கைது செய்து விசாரணை மேற்கொண்டதில் கஞ்சாவை ஆந்திராவில் இருந்து கொண்டு வந்ததாக தெரிய வருகிறது. போலீசார் தொடர் விசாரணை நடத்தி வருகின்றனர்.
சு. இரத்தினவேல்.
மதுரை
