தூத்துக்குடி,
தூத்துக்குடியில் பொதுமக்களுக்கும் போக்குவரத்துக்கும் இடையூறு ஏற்படுத்திய பாஜக பிரமுகர் மீது போலீசார் வழக்கு பதிவு செய்தனர்.
தூத்துக்குடி கணேசன் காலனி 3வது தெருவை சார்ந்தவர் பிரபு. இவர் பாஜக பிரமுகர் ஆவார். இவர் அப்பகுதியில் பொது இடத்தில் நின்று கொண்டு பொது மக்களுக்கும் போக்குவரத்துக்கும் இடையூறு ஏற்படுத்தும் விதமாக தொல்லை கொடுத்துக் கொண்டிருந்துள்ளார். ரோந்து பணியில் ஈடுபட்டிருந்த போலீசார், பிரபுவை எச்சரித்தும் கேளாமல் தொடர்ந்து பொதுமக்களுக்கு தொல்லை கொடுத்து வந்ததால், அவர்மீது தென்பாகம் காவல்நிலைய போலீசார் வழக்கு பதிவு செய்தனர்.
பாஜக பிரமுகர் மீது வழக்கு பதிவு செய்யப்பட்ட இச்சம்பவம் கட்சி வட்டாரத்தில் பெரும் பரபரப்பை ஏற்படுத்தியுள்ளது.
