நெல்லை, மே, 20
சுபாஷ் பண்ணையார் ஆதரவாளர்கள் 2 பேர் குண்டுவீசி படுகொலை, செய்யப்பட்ட
வழக்கு, நெல்லை காண்ட்ராக்டர் கண்ணன், படுகொலை செய்யப்பட்ட வழக்கு உள்ளிட்ட பல்வேறு வழக்குகளில் தொடர்புடையவர் தீபக் ராஜா
கடந்த 2012 ஆம் ஆண்டு கொலை செய்யப்பட்ட தேவேந்திர குல வேளாளர் கூட்டமைப்பின் நிறுவனர் பசுபதி பாண்டியன் தீவிர ஆதரவாளர் என்றும் கூறப்படுகிறது.
நெல்லை மாவட்டம் மூன்றடைப்பு அருகே வாகைகுளத்தை சேர்ந்தவர் தீபக் ராஜா(30). இவர் இன்று தனது காதலியுடன் பாளையங்கோட்டை அருகே கேடிசி நகர் உள்ள பிரபல அசைவ ஓட்டலில் உணவருந்த சென்றுள்ளார். அப்போது அங்கு வந்த மர்ம கும்பல் ஒன்று கண்ணிமைக்கும் நேரத்தில் அரிவாளால் ஹோட்டல் வாசலில் வைத்து தீபக் ராஜாவை அவரது காதலி கண் முன்பே கழுத்து மற்றும் முகத்தில் சரமாரியாக வெட்டி சாய்த்தனர். இரத்த வெள்ளத்தில் சரிந்த தீபக் ராஜா சம்பவ இடத்திலேயே உயிரிழந்தார். தனது கண்முன்னே காதலனை வெட்டி கொலை செய்ததைக் கண்டு தீபக் ராஜாவின் காதலி கதறி அழுதார். இதுகுறித்து தகவல் அறிந்த பாளையங்கோட்டை போலீசார் மற்றும் நெல்லை மாநகர காவல் துணை ஆணையர் ஆதர்ஷ் பச்சேரா உள்ளிட்ட அதிகாரிகள் சம்பவ இடத்திற்கு விரைந்து சென்று விசாரணை மேற்கொண்டனர்.
முதல்கட்ட விசாரணையில் தீபக் ராஜா மீது ஏற்கனவே கொலை உள்பட
பல்வேறு
வழக்குகள் நிலுவையில் இருப்பதாக கூறப்படுகிறது. குறிப்பாக ஜாதி ரீதியாக நடைபெற்ற பல்வேறு குற்ற சம்பவங்களில் தீபக் ராஜாவுக்கு தொடர்பு இருப்பது தெரியவந்துள்ளது. அதாவது தென் மாவட்டங்களில் குறிப்பிட்ட இரு சமூகத்தை சேர்ந்தவர்கள் ஜாதி பின்னணியோடு அடிக்கடி மோதி வருகின்றனர். அதன் தொடர்ச்சியாக
தூத்துக்குடி மாவட்டம் பழைய காயலைச் சேர்ந்தவர் சுபாஷ் பண்ணையார். இவரது தோட்டத்தில் கடந்த 2016 ம் ஆண்டு மார்ச் 8-ம் தேதி பலர் வேலை செய்துகொண்டிருந்தனர். அப்போது, பயங்கர ஆயுதங்களுடன் தோட்டத்துக்குள் புகுந்த ஒரு கும்பல்,
அங்கு வேலை செய்துகொண்டிருந்தவர்கள் மீது வெடிகுண்டுகளை வீசியது. அதில், இரண்டு பேர் படுகாயம் அடைந்து உயிருக்குப் போராடினர். அவர்கள் இருவரையும் அந்தக் கும்பல் கொடூரமாக அரிவாளால் வெட்டிக்கொன்றது. கொல்லப்பட்ட இருவரும் காயலைச் சேர்ந்த ஆறுமுகச்சாமி, கண்ணன் என்பவர் என தெரியவந்தது. இதில் ஆறுமுகச்சாமி
சுபாஷ் பண்ணையார் கார் டிரைவர் ஆக இருந்து வந்துள்ளார்
இந்த இரட்டைக் கொலையின்போது ஆறுமுகச்சாமியின் தலையை தூண்டித்து சுமார் 30 கிலோமீட்டர் தூரம் எடுத்து சென்று தெய்வச் செயல்புரம் அருகே உள்ள
ஒரு சமுதாயத் தலைவரின் சிலை முன்பு வைத்துவிட்டு கோஷம் போட்டு விட்டு கொலை குற்றவாளிகள் தப்பி ஓடினர். இந்த கொலை வழக்கிலும்
மற்றும் நெல்லை மாவட்டம் தாழையூத்தில் நடைபெற்ற காண்ட்ராக்டர் கண்ணன் கொலை வழக்கிலும்
தீபக் ராஜாவுக்கு தொடர்பு இருப்பதாக கூறப்படுகிறது.
எனவே ஜாதி மோதல் காரணமாகவே தீபக் ராஜா கொலை செய்யப்பட்டாரா அல்லது வேறு ஏதேனும் முன்விரோதம் காரணமாக கொலை செய்யப்பட்டாரா என்ற கோணத்தில் போலீசார் விசாரணை நடத்தி வருகின்றனர். குறிப்பாக சம்பவம் நடைபெற்ற ஹோட்டலில் உள்ள சிசிடிவி காட்சிகளை கைப்பற்றி போலீசார் ஆய்வு செய்து வந்தனர் இதில் கொலையாளிகள் பலர் பட்டப் பகலில் ஹோட்டல் வாசலில் முன்பு தீபக் ராஜாவை வெட்டி படுகொலை செய்த காட்சிகள் பதிவாகியுள்ளது. தீபக் ராஜா உறவினர்கள் சாலை மறியலில் ஈடுபட்டு குற்றவாளிகள் உடனடியாக கைது செய்யப்பட வேண்டுமென போராட்டம் நடத்தி வந்தனர் இதுகுறித்து நெல்லை தூத்துக்குடி மாவட்டத்தில் போலீசார் தீவிர ரோந்துப் பணிகள் மேற்கொண்டு
பாதுகாப்பு பணியில் ஈடுபட்டு வருகின்றனர்
பசுபதி பாண்டியன் ஆதரவாளர் பிரபல ரவுடி தீபக் ராஜா வெட்டி படுகொலை செய்யப்பட்ட சம்பவம் நெல்லை தூத்துக்குடியில் வரும் பரபரப்பு ஏற்படுத்தியுள்ளது.
