கோவில்பட்டி சட்டமன்ற தொகுதியில் டி.டி.வி.தினகரன் வேட்புமனுத் தாக்கல்

இன்று முகூர்த்த நாள் என்பதால் வேட்புமனு தாக்கல் செய்ய அனைத்து கட்சி வேட்பாளர்களும் ஆர்வம் காட்டினார்கள். அ.தி.மு.க. மற்றும் தி.மு.க. வேட்பாளர்கள் இன்றே மனுதாக்கல் செய்யும்படி அறிவுறுத்தப்பட்டிருந்தது. குறிப்பாக நல்ல நேரம் பார்த்து வேட்புமனு தாக்கல் செய்யும்படி தெரிவித்து இருந்தனர். இந்நிலையில்  தூத்துக்குடி மாவட்டம் கோவில்பட்டியில் போட்டியிடும் அ.ம.மு.க. பொதுச் செயலாளர் டி.டி.வி. தினகரன் இன்று மதியம் கோவில்பட்டி கோட்டாட்சியர் அலுவலகத்தில் தேர்தல் அதிகாரி சங்கரநாராயணனிடம் மனுதாக்கல் செய்தார். கட்சியின் தேர்தல் பிரிவுச் செயலாளர் எஸ்.வி.எஸ்.பி. மாணிக்கராஜா, வழக்கறிஞர் ராஜா செந்தூர் பாண்டியன் ஆகியோர் உடனிருந்தனர்.