ஒட்டப்பிடாரம் சட்டமன்ற தொகுதியில் புதிய தமிழகம் கட்சி சார்பில் டாக்டர் கிருஷ்ணசாமி போட்டியிடுகிறார்.
நடைபெற உள்ள தமிழக சட்டமன்ற பொதுத் தேர்தலில் அதிமுக கூட்டணியிலிருந்து விலகிய புதிய தமிழகம் கட்சி தனித்துப் போட்டியிட முடிவு செய்துள்ளது. இந்நிலையில், சென்னையில் இன்று செய்தியாளர்களை சந்தித்த கட்சியின் தலைவர் டாக்டர் கிருஷ்ணசாமி, முதற்கட்டமாக 60 தொகுதிகளுக்கான வேட்பாளர்கள் பட்டியலை அறிவித்தார்.
இதன்படி, தூத்துக்குடி மாவட்டத்தில் உள்ள ஒட்டப்பிடாரம் தொகுதியில் புதிய தமிழகம் கட்சித் தலைவர் டாக்டர் கிருஷ்ணசாமி போட்டியிடுவதாக அறிவிக்கப்பட்டுள்ளது. கடந்த 1996-ல் ஒட்டப்பிடாரத்தில் தனித்துப் போட்டியிட்டு வென்றவர் டாக்டர் கிருஷ்ணசாமி. பிறகு கடந்த 2011-ஆம் ஆண்டு தேர்தலில் அதிமுக கூட்டணியில் ஒட்டப்பிடாரம் சட்டப்பேரவைத் தொகுதியில் போட்டியிட்டு வென்றார்.
